倉鼠多數會用甚麼方法逃走?(10點)

樓上網友tsangngngngng*講既野有d唔同意,希望網友唔好介意及留意一下:1)如果便便只係痴住鼠鼠既毛,係可以幫鼠鼠就咁拎走or用微暖水幫鼠鼠抹,但如果係痴住肛門,十分輕力整唔到就唔好強行去整,因為鼠鼠係便秘排唔出,強行整既話會令鼠鼠好痛
2)鼠鼠青便,可能係食左綠色既野,但亦可能係受驚,受驚易誘發疾病,所以唔好輕視問題
3)另繁殖鼠鼠有好多問題,對鼠鼠亦有好大影響,希望網友可考慮唔好繁殖鼠鼠及一籠一鼠

A.鼠鼠係逃走專家,有好多人諗唔到既情況都走到出去,逃走多數係以下既方法:
1)開門-你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁
2)打開瞭望台或其他開到既地方-留意返個籠有咩開得or可以走到,有d開到既位好難開,鼠鼠都可能開到既
3)鼠鼠太瘦弱既話,係可以由鐵籠邊走出唻
4)放鼠出唻時掌握唔好-放鼠出籠要留意既事及方法可參考:
http://hk.knowledge.yahoo.com/question?qid=7008031400344

B.木糠污糟你會睇到同新既唔同,咁就已經係污糟左

C.鼠鼠既便便正常係黑色,唔軟,唔硬,唔濕,唔多,唔少;分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到

D.同鼠鼠熟左之後,平日正常既抱法就係一隻手用食指同手指公托住鼠鼠兩隻手下方,掌心托住鼠鼠身體(肚OR背都可以),最好多一隻手幫手就更安全

E.最好一次放幾日既籠,等喜歡儲糧既鼠較有安全感,如果真係要計得好清楚既話,鼠鼠一天係要食身體重既10%,但一定要確保鼠籠內一定有糧,鼠鼠身體細小,唔夠飽就易血糖過低

F.膠缸較熱,易中暑,而且難同鼠鼠有交流,冇咁易同鼠鼠熟,如果俾鼠鼠爬高到既話,易頂開個頂;鐵籠加通道用管既籠比較好,冇膠缸既問題
買籠要留意既事可參考:
http://hk.knowledge.yahoo.com/question?qid=7008052803291

G.沖涼粉係唔可以放入籠,鼠鼠一星期沖一次涼,太熱最多兩次,沖太多反而易患皮膚病
好多鼠鼠都唔識自己沖涼,可以拎鼠鼠去第度再幫鼠鼠沖,同鼠鼠沖涼既方法及要留意既事可參考:
http://hk.knowledge.yahoo.com/question?qid=7009040201309
你同鼠鼠熟之前,同鼠鼠沖涼,可試下以下既方法:
1)用龜缸之類既野幫鼠鼠沖涼,將少少食物放入龜缸,將缸口對住鼠籠既門口
2)叫鼠鼠既名,都可用裝食物既袋發出聲音引起鼠鼠注意,等鼠鼠自己行入去
3)唔敢掂鼠鼠既時候,可整沖涼粉落鼠鼠身上,等鼠鼠自行整走D沖涼粉,因為不經接觸,所以要放多D,等鼠鼠底部都沖到,但要小心唔好倒左D粉鼠鼠既眼耳口鼻
4)沖完涼再將缸口對住籠既門,鼠鼠就會自己行返入去
5)另外,如果鼠鼠係驚既話,在許可既情況下,唔用手套去捉鼠鼠較好,唔係就易令鼠鼠受驚,受驚有機會誘發甩毛肚瀉等疾病;但如果係需要檢查身體之類,怕被咬則可用手套抱鼠

倉鼠好叻走佬,通常都系因為佢地用牙齒去咬,倉鼠好叻咬野嫁 !一個紙盒都好以咬到個洞出黎,好cute !

通常系你寵物店買返黎一包包既木槺都系乾淨的 !所以吾洗擔心。換新木槺後最好放返少少舊木槺落去,甘先好適應~

倉鼠糞系--->() 甘樣的樣子,頭尾尖尖,細細粒,好易清理,但有時痴系倉鼠身上就要mid走倉鼠糞~
肚瀉糞可能系青青地色,這代表消化得吾好or食得吾好甘啦~要注意下~

用母指環住住左邊手下面;食指同中指就環系右邊手下面;而另外兩隻手指就扶住屁股下而~不過你都要就返隻倉鼠,佢地有時會想逃走嫁~要抱得緊D,但千萬吾好抱得太緊,人都系啦~透吾到氣- -有時又可以打開雙手,放佢系一隻手到,第二隻手就輪沈甘比佢系手上跑下走下 ( 好似跑步機甘 )

你只需要放糧食系盆到,佢想食就會去食,但千萬吾好吾記得加糧比佢,仲有好重要既水!!!要買專比倉鼠用的飲水器。另外提提你,倉鼠會將D糧儲存系口到,有時你會陬覺佢口脹卜卜,就知why嫁啦~^^

我會建議你用籠,用籠的話佢可以望清楚出面,仲有籠又可以比佢爬下 ( 倉鼠系爬籠高手 ! )如果我系倉鼠,我都會choose籠- -

沖涼碗仔吾洗放系入面嫁,大約一星期沖一、二次甘啦 !是乎佢清潔度啦~系等到要沖涼果陣,先拎佢出黎,放佢系碗仔到,我認為最好先放沖涼粉,再放佢落去。有時你可以用手整D粉系佢背隻到~

你養左倉鼠一排,你自己就會明白到養倉鼠要點做嫁啦 !又會明白到佢地既習性。
有D倉鼠吾可以放埋一齊嫁,會打架 ( 打架果陣幾好笑- - )

1.注意清潔
2.注意飲食,一定要有水同糧比佢,人都系啦
3.注意安全

佢地生BB仲有好多野要學嫁~
希望能夠幫到你啦~
有咩問題 可以e-mail我:[email protected]

你一開門..d倉鼠就好容易走人''
你要小心d!!
我覺得用寵好d~
雖然用寵d木槺好容易走曬出黎!!
但係用寵好過膠缸..
因為d倉鼠會多d空氣~
不過用膠缸又吾係吾得既''
係呀//你可以放沖涼個個碗仔入個籠到!
佢會自己走入去個沖涼碗到沖涼~
如果佢吾去..你可以幫下佢^^
希望幫到你啦``