你話 Olympus E-P1 好唔好??

✔ 最佳答案

E-P1其實可以加轉接環用到所有4/3系統鏡頭.
不過計我話買EP-1都係貪佢輕便得來又有大機質素,其實呢個輕便係要用好多代價換的.冇咗觀景窗,得個低解像LCD mon取景,太陽猛啲都睇唔清,加上又冇得哄埋去取景,慢快門時小咗個頭做支撐.
又只有對焦比較慢既對比式AF.雖然DC仔都係咁,但係唔好忘記DC仔已經有起碼3倍光學變焦,內置微距功能及閃光燈,與及更輕便的機身.
其實E-P1個機身咁細,根本就唔適合用大型鏡頭,如果係我就只會買支17mm f2.8餅鏡就算數,閃光燈都未必會買.就算支14-42都覺得無謂.因為你配咁多嘢就冇咗輕便呢個優點.既然可以接受笨重,就唔值得用咁多嘢去換輕便,不如正正經經用翻DSLR好過.