係我太over定係佢錯??

說來話長,大家就當係故仔咁睇la,睇完記得投票幫下我,謝謝


兩年前,我男朋友同一個叫christine既女仔fd左
fd到晚晚傾msn,如果其中一個人刪左電腦,佢地就會傾電話
我問佢點解成日個christine傾計,佢話得christine一個女仔咁夜訓,可以陪佢傾計
仲話christine係性情中人,而且拍過拖,有戀愛經驗,
得閒可以請教佢如何同我相處得更好&傾心事
由於佢地過從甚密,所以我叫佢唔好同christine傾咁多msn同電話
點知佢地轉左sms....=,=
加上我覺得christine對我男朋友有feel(唔中2就唔會晚晚陪佢傾計la,係咪ar)
於是我suggest其他女仔比佢傾,但係我男朋友就統統reject
一係嫌阿A未拍過拖,一係話阿B太早訓,一係話阿C唔岩傾,
一係話同阿D唔熟,一係話唔中2阿E份人
講到全世界只得christine明白佢,了解佢咁
佢又成日同christine去街睇戲同食飯(每次都係五六個人成行,唔係單獨)
有時佢約人,有時人約佢,有鑑於此,我限制左佢同christine去街既次數

開頭都好順利,點知一年後,姐係上年開始
佢又同第二個女仔miranda過從甚密,佢地成日一齊去唱k
試過幾次2女1男去唱(冇試過單獨去唱),一個月唱2次
雖然冇一次係佢主約人,但係人地約佢,佢一次都冇拒絕過
於是我又質問佢點解成日同miranda去唱k,而且咁多次都係2女1男
問"乜你唔覺得有問題?"但係我冇再一次限制佢地去街既次數
點知佢反問我有咩問題,佢認為e d係佢既社交生活
佢同朋友去街冇問題,唔明點解我會咁反感

我唔係想佢冇朋友,但係我覺得佢應該節制一下
我同佢拍拖咁多年,我可以為左佢而完全唔同任何男仔去街
(除左最近e個月)&唔同任何男仔傾閒計+心事
e d舉動係我自己自願,唔係佢逼我既
點解??因為我覺得點都要顧及身份
唔係一句"社交"同"朋友"就大曬.
所以我覺得佢都應該顧及佢有婦之夫既身份去同人soso
p.s我男朋友會為左朋友而放我飛機
應承左朋友既野會銘記於心好想履行
但係應承左我既野會轉過頭,好快唔記得
我男朋友咁對我,我應該點做??