Paris行程?

行程勁趕... 例如第一天, 如果根據你的行程, 晚餐時間可能係深夜 1 點... 建議修改一下...
29/9: 到達巴黎後, settle down, 再出發的時間已經係下午 5 點左右.... 可先去巴黎鐡塔, 再到香榭麗舍大道晚餐, 順道遊覽凱旋門 (不用上去啦, 無甚特別)
30/9: 一早前往凡爾賽宮, 回程時約 4 點左右於鐵塔附近上船遊塞納河, 黃昏時份趕到聖心教堂和蒙馬特, 晚餐於此
1/10: 聖母院, 羅浮宮, 協和廣場, Avenue Montagne, 最後才去老佛爺, 但腳步要快... 遊羅浮宮需預早於網上搜集資料, 編定路線, 不要於館內四處遊蕩, 浪費時間. 老佛爺逢星期四會於晚上 9 點關門, 因此可於購物後少晚飯.

2009-07-28 11:28:39 補充：
緊記歐洲不同香港, 一般店舖最多最多只會營業至 8 點左右, 因此不要安排於晚上 shopping 和逛購物區. 香榭麗舍大道店舖大多營業到 9 點, Sephoxa 更至 12 點. 要行夜街就只有這個選擇

本來henry兄係度小弟就不便多口，但隔離意見欄既朋友竟然話樓主10月1日既行程好hea，咁就實在與事實不符。樓主要注意係你10月1日會去凡爾賽宮，由於嗰度好大，再加上離市中心好遠，所以就咁去凡爾賽都要一整日，唔通你唔會用跑一百米既速度跑過鏡廳，或用起碼一個鐘行下嗰個好似佈景咁靚既後花園﹖雖然同日再去老佛爺問題唔係真係咁大，但當樓主由凡爾賽番到市區，肯定已經攰到想即刻番酒店訓，如果仲要行多一、兩個鐘百貨公司，我肯定你食晚飯時會攰到食唔落兼嘔白泡。
正如henry兄話齋，樓主原本個行程太迫，根本就係死亡行軍，我自己肯定唔會咁去“旅行”。不過樓主改左之後既行程都唔比死亡行軍好多少，最大既問題係樓主太睇小凡爾賽宮及羅浮宮所需要既時間。好似頭先咁講，凡爾賽要一日，而羅浮宮至少要一晝先至有意義。事實上唔會有人用成接近10蚊歐羅同排成個鐘頭隊入去羅浮宮剩係睇3寶，你一入場就會有一個想留多啲時間既衝動，因為無論羅浮入面既展品，定係羅浮宮本身都係法國全國，以致全世界最精美既藝術精品，我未聽過有人係入面逗留少過一個鐘，因為人人都唔想。其實羅浮3寶只係名氣大，我個人覺得只有維納斯女神像係3寶唯一值得花多啲時間睇既展品。蒙羅麗沙永遠都太多人，而且佢只係一幅好普通同細幅既人像畫，唔值得嘥太多時間。勝利女神像更位處交通要道，你唔會有心情慢慢欣賞，事實上呢個雕像我個人都唔覺得特別好。
羅浮真正既藝術精品係位於馬利中庭(Cour Marly)及附近藏室入面既雕像。嗰度有啲大理石少女雕像散發出一種好似天使咁純潔既氣息，令我留連忘返，唔睇係極大損失。另外一講羅浮宮，有一樣野好少人提，就係嗰度有全世界最多最精美既美索不達米亞文物，最震撼既莫過於漢模拉比法典(世界第一部成文法)原物及亞述帝國首都國門既獅身人頭雕像既原物展出，極為壯觀。另外亦有手工好精美既馬賽克浮雕，全部都係超過2,500年既最優秀藝術精品，睇完絕對令你極度深刻。
另外，先賢祠(Panthon)亦係一個較少人提既景點。佢最大既問題就係處於較為遠離塞納河市中心既地區，不過搭地鐵一樣去到。呢個地方極度宏偉，係埋葬歷來最偉大法國人既地方，好似盧梭、伏爾泰等都安葬於此。就算樓主對佢地無興趣都唔緊要，因為剩係參觀下一個咁宏偉及精美既建築都值回票價。

30/9 既行程會唔知你會睇幾耐羅浮宮, 有時間可以去埋聖哲曼教堂o個邊都幾多野行!

1/10 行程好hea喎, 可以安排多少少行程! 因為星期四, 老佛爺會收晏d, 好似收2100定2200, 所以食完飯先去都冇問題, 建議去凡爾賽之前可以去巴士底市場行下先, o個到淨係星期四+日開呀咋!