有左BB，大廈做維修，死約期內搬走

多謝你的意見，而且很有用。如果同業主傾到一人行一步最好，但聽佢助手講，無人情講，就算減租都唔肯。我都係要找律師問下意見。

唉...租樓果時我地咩都問過，連有無鬼我都問埋！咩都係經Agent，佢都唔知咁多野。都係簽左約先可以同業主直接聯絡架啦。第一見個業主佢都好怪，我未搬入去時到新屋驗下樓，我見到佢係果度我問佢係咪業主，佢話唔係只係員工。後尾發現佢就係業主啦！


如果業主告上法庭要幾耐？唔知有無類似案例可以參考

一係我地兩公婆上法庭、一係帶埋呀仔住地盤............慘...............

大廈進行維修工程，係正常既行為，吾可以怪業主無通知，如果你吾想租住會維修既樓，你自己都有責任問清楚先租。
死約期內退租，係你毀約，業主有權要求賠償。但吾一定要賠足余下租期租金，假如你退租後業主再租出，新租金低過你而家俾既租金，咁你只要賠新舊租金差額。如果業主盡佢所能都租吾出，咁你就要賠足余下租金。
而家你有兩個做法：
1.睇下有無親戚朋友要租樓，你找人頂左你份租約。
2.如果真係想搬走，咁就搬走啦，搬走左約業主收樓，交番鎖匙俾業主，白紙黑字叫業主簽收。你兩個月按金預左無架喇。
業主仲係要追討賠償，叫佢去法庭追，由法庭裁定要賠幾多錢。
咁做預左要出庭，你大緊肚，你自己想清楚先。


2009-08-03 21:34:50 補充：
去法庭入稟索償，排期幾耐要睇法庭多吾多案審。
小額錢債審裁處一般都要個幾兩個月。

一般大廈維修幾月就搞掂，到時你個仔出世咪剛剛好，有靚d既走廊大堂

根 據 普 通 法 , 業 主 會 在 租 約 內 作 出 一 項 暗 示 的 承 諾 , 就 是 在 租 期 內 租 客 可 享 有 在 業 主 控 制 範 圍 內 不 受 干 擾 的 權 利 , 根 據 此 項 的 承 諾 , 租 客 應 享 受 到 「 平 和 的 享 用 權 」( Q U I E T E N J O Y M E N T )。
建 議 , 你 可 以 諮 詢 你 的 律 師 , 向 法 庭 提 出 你 現 在 的 懷 孕 證 明 , 申 請 禁 制 令 , 制 止 有 關 的 滋 擾 繼 續 進 行 。
如 果 妳 想 搬 走 不 再 在 單 位 居 住 的 , 你 是 可 以 要 求 法 庭 終 止 租 約 , 因 為 業 主 沒 有 履 行 租 約 應 給 予 你 應 享 受 到 「 平 和 的 享 用 權 」( Q U I E T E N J O Y M E N T ) , 並 且 向 業 主 追 討 因 你 受 到 滋 擾 而 需 要 搬 遷 所 引 起 的 損 失 的 賠 償。
記 得 , 任 何 行 動 前 都 應 先 諮 詢 你 的 律 師 , 查 問 清 楚 自 己 的 權 利 。
------ ------
因 為 系 統 經 常 消 失 了 我 的 補 充 回 答 , 所 以 , 在 系 統 未 恢 復 前 , 暫 時 不 會「補 充 」任 何 回 答 , 如 果 仍 需 要 我 的 進 一 步 的 意 見 或 更 詳 細 的 資 料 , 請 從 新 發 問 或 直 接 電 郵 ( 系 統 在 7 月 1 日 , 未 經 我 的 同 意 把 我 的 匿 稱 gohoproperties 變 成 了 我 的 聯 絡 電 郵 地 址 ) 給 我 , 不 便 之 處 , 敬 請 見 諒 !