唔知個fd(男)對自己有無feel，請大家幫幫手,plz

半年前我發覺自己鐘思左我個fd，
個陣時我同佢差唔多日日都係msn度傾好多野，
而且到後期係佢自己走來同我傾，
有野無野都傾一餐，
而且有一排我係msn度講話自己唔想自己留係屋企，
佢個幾日就差唔多日來左我度。
仲有除夕過半夜之後，
佢無啦啦來左我度話要食糖水，
跟住一入屋就講自己係09第一個來我屋企既人，
但係到左我放假返香港之後，
佢又無搵過我啦，
除左有一次我係msn見到佢釣左d魚，
佢叫我快d返來整比佢，又話一個人食唔晒，
又係咁無下文啦！
到左我返來之後，
我補左情人節朱古力比佢，
不過當然係用d其他理由，
又係咁磨左兩三個月，
到左早兩三個月有一次我好耐無見佢，
於是send左個sms比佢叫佢來，
佢先係應承左先再問我點解，
我覆左佢話"如果我想見你呢"
佢之後無耐就來左我屋企，
不過來左一陣就走左，
跟住就半個月之前又係有兩三個禮拜無見，
我前一晚叫佢來佢無來，
第二朝係msn又用返想見佢個理由，
佢就話睇下有無時間先。


其實中間我都做左好多野去暗示，
我知佢自己住就會煲下湯，煮下飯，
煲埋糖水叫佢來食(得佢一個，之前都有其他人一齊)
而且我係講到明係淨叫左佢，
跟住我又有繡左d十字繡裝式比佢掛係架車度，
其他 fd個個都係得一個，
唯獨佢有三個，而且仲係兩面都繡左野！


佢對我既態度好似有又好似無咁，
我叫佢來話煲左湯佢會來，
不過佢而家好少主動搵我，
但係又會話悶主動叫我去夜遊，
暫時得兩次，因為我夜遊都係個幾月前開始放假，


麻煩大家比我d睇法，
我真係唔知佢對我點，
我唔知佢係咪之前因為hurt過所以想再睇定d，
定係佢仲未知道我對佢點呀?