急**朋友控管有第一類危險藥物(2支咳水)

咳藥水係受到香港法例第 138 章<藥劑業及毒藥條例> 所規管嘅第 I 部毒藥. 任何人非法管有第 I 部毒藥, 一經定罪, 可處罰款$100000及監禁2年.
咳藥水通常主要成份係 Codeine. 根據香港法例, 如果咳藥水含 Codeine (可待因) 濃度唔超過 0.1%, 咁就唔算犯法. 如果含 Codeine 濃度超過 0.1%, 咁就犯法.
單嘢根本無得打, 認罪係唯一減刑理由. 佢無案底, 有正職, 如果肯認罪, 加上律師求情, 一般只會罰款 (大約 $2000). 但留案底就無可避免.
請律師求情會好 d. 無錢可於上庭堂日早 d 到庭請法庭當值律師.

2009-07-28 09:37:27 補充：
hkbest1967: 要抄我答案, 都請睇吓係唔係對題. 關感化官乜事! 拾人牙慧, 全無創見!

2009-07-28 16:41:47 補充：
2支咳藥水咁少, 又唔係乜嘢勁毒品, 無案底第一次犯只會罰錢, 唔會入更生/勞教, 亦唔會社會服務令.
請法庭當值律師, 第一堂唔使錢, 其後如需繼續打都只係全包宴一口價$420. 你朋友單嘢咁小事, 認罪只需打一堂.

2009-07-28 16:42:03 補充：
2支咳藥水咁少, 又唔係乜嘢勁毒品, 無案底第一次犯只會罰錢, 唔會入更生/勞教, 亦唔會社會服務令.
請法庭當值律師, 第一堂唔使錢, 其後如需繼續打都只係全包宴一口價$420. 你朋友單嘢咁小事, 認罪只需打一堂.

多數入男同/更生/勞教...不過你可以同個官講子係一時玩下姐...律師求情當然係好好多不過唔一定要幾十萬果d先有用...

通常如果第一次犯, 藏有2枝咳水會罰款$1000 [ESCC3011/2005 .

但法官要你見感化官, 即係好大機會判感化

要睇吓你認唔認罪喎~~其實法庭有duty lawyer,你可以申請,不過有入息限額~

認罪就會要求情,或者會等埋其他報告先會判~
如果想唔認罪就搵律師問吓,睇吓有無得打先,如果律師都覺得無,就認啦,如果唔係會判重啲嫁!!

如果自問唔係好叻都係搵律師會好啲,不過啲求情理由都不外初犯,比次機會唔會再犯,深感後悔嗰啲囉~

如果即場認罪又無案底多數都係罰錢或者判社會服務令,好少第一次管有第一類危險藥物就坐監!!