我應該點做 應唔應該死左條心?[字海]

回答問題前請先看一下這個
http://hk.knowledge.yahoo.com/question/question?qid=7008122200120
係我同佢有關既事
我鐘意左果個男仔4年 問左唔少人 都覺得佢係鐘意我
但係係4年前 有次被佢知道左我鐘意佢 佢之後對我好冷淡
專登對我態度差 第2年放完暑假之後
佢態度對我180度轉變左 一直同班左3年
升到中四我地揀左唔同科 唔同左班
9~10月果陣去佢果班搵fd所以佢都有同我講過1兩次野
有次放學去佢果班搵fd 自己突然想避開佢 同個fd傾傾下計講走先 被佢見到我
之後我同個fd絕左交就冇再遇到佢
直到有次今年3月有個活動 係集合地點度
我同緊個男仔fd傾左陣計 之後我見到佢行緊過黎
我就即刻走開左 跟住活動完左之後佢又聊我講野
跟住就冇再遇到佢 直到6月考試放學見到佢 但係佢冇同我講野
佢同佢個fd一齊 好似留意唔到我
跟住返到屋企 本來唔開心 突然變得好開心
但係過左陣 自己不知不覺間係度喊

我係一個成日唔講野既人 我覺得佢唔會鐘意我
以前果個fd成日話佢係絕對絕對唔會鐘意我 人地係靚仔
我又生得唔靚 身材又唔係特別好 同我一齊又冇著數
佢又點會鐘意我 另一個fd就話 我又唔係生得特別靚女 佢又點會鐘意我
跟住聽到ed說話 就成日諗 自己真係唔係靚 人地係唔會鐘意我
之後上網識左d fd 我都同佢地傾過e件事
佢地就話就算係靚仔都未必一定鐘意靚既人
會鐘意心地好既人 但係我唔認為自己心地好
比過d相佢地睇 佢地話已經靚過好多個女仔雖然聽到係有d開心
但係我就係冇咩自信
唔知點解有時遇到佢 都故意避開
例如:返學遇到佢 就去一個佢睇唔到既地方 等佢行開左 我先行
升到中四 我既心情一直好差
直到放暑假 我發現到 我見到佢心情會變好
網fd覺得我應該去表白 就可以唔洗再煩
但係我真係好驚 唔知會唔會係因為4年前果件事
有時唔想諗 就成日發夢見到佢出現
有時試下去鐘意第2個人 但係最後都會鐘意返佢

出年就要畢業 畢業之後我就再唔會見到佢 有個網fd就話
畢業後我應該會對佢無哂感覺 會唔會真係無哂感覺?
如果話去表白...我覺得我絕對做唔到 完全冇自信 膽又小
怕結果會接受唔到
咁...會唔會死心好d?