✔ 最佳答案
1.LM出既木糠幾好,夠大片,但較貴,一包50L既大約$30-40,雖然好多木糠都好平,幾蚊都買到一條細既,但平既多數會好碎,碎既木糠會影響鼠鼠呼吸揀木糠有幾點要留意:
1)大片,冇咁易影響鼠鼠呼吸,都冇咁大塵
2)睇落去冇咁多雜質
3)白陽木(poplar)松木(pine)我覺都冇咩所謂,HK市面松木較多,要識睇包裝上寫係咩木其實幾難,英文就話易分,但有D寫德文,日文,店員話你知係咩木你都要諗過先好信
3)絕對地唔好買紅色木既木糠,即係西洋杉木(cedar),已經有醫學報告指出呢隻木係會令鼠鼠易過敏,可能因為咁,其實HK唻講已經好少見到有,好多年前就較流行
4)都唔好買有味木糠,除左我覺得加埋鼠鼠既排泄物係會臭D之外,好緊要既係有味木糠較易令鼠鼠敏感
5)都唔好買有色既木糠,因為十分易甩色,我用過一陣就知出事,已經冇再用了
用木糠時要留意:
a)放入籠之前揀走一d大舊既木粒,尖長既木糠,因為呢d會有機會整親鼠鼠,鼠鼠放入腮既話又易整穿鼠鼠既腮
b)放晒入籠之後用手小心地檢查下木糠仲有冇尖or粒狀既木,仲可以feel下鼠鼠在上面既感覺
c)如果懷疑鼠鼠對該木糠敏感就要盡快換過第隻木糠
d)留意木糠會唔會潮濕,受潮既都唔可以再用,所以每次用完,記得封好先放
2.小銀狐性格一般,唔係好惡,但都唔算好乖,當然要尊重鼠鼠獨居既天性及有適當既照顧,如果唔係咩鼠都會好惡
3.睇一次醫生約$300基本診金,愛協就百幾(如果只係藥物解決唔到既問題,愛協多數會建議你去大圍),針藥手術之類另計,如果要化驗,照X光,做手術呢類,就較易過千,要視乎返鼠鼠係咩問題同嚴重程度,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
4.冇話幾耐換一次木糠,籠大籠細已經會好唔同,覺得污糟就已經需要洗籠,仔細D既話可參考:
每日:將鼠鼠排泄物集中地清理一下,整走D排泄物,因為鼠鼠好多時都會集中一兩個地方排泄既,不過初養既時候鼠鼠就未必有呢個習慣,要到鼠鼠熟左個籠之後先會
數天:如果幾日就覺個籠污糟,可以只換木糠OR成個籠清洗
每星期:最少一星期成個籠清洗一次
每個月:每個月OR鼠鼠生病時,可以同成個籠用小動物專用消毒劑消毒一下個籠or用牙膏洗籠都唔錯既
5.養鼠可平可貴,睇你想點養既,好難真係計到幾多錢
鼠糧一個月都食唔到一包,但計一包啦,一包廿幾蚊(雖然買大包會抵d,但易變質,咁仲浪費,發現唔到既既俾鼠鼠食左仲易會生病),木糠我就用半包左右,加埋都只係50-60左右,當然唔包間中要買沖涼粉,磨牙石之類.仲有如果睇醫生就另計,所以好難計到一個月真係用幾多$
除左要諗一個月要用幾錢外,仲要了解多D及諗真D先好買鼠,買鼠時要買既物品,鼠鼠既價錢,養之前要考慮既事及飼養方法可參考以下我回答既知識:
http://hk.knowledge.yahoo.com/question?qid=7009070801657
6.鼠鼠點都會有味,因為鼠鼠用排泄物去表示地方係佢既地盆,仲會用身上既腺孔發出氣味唻盆地盆or 發情,但唔好用有味木糠同沖涼粉,因好易令鼠鼠敏感,同埋我覺會仲臭
會唔會好臭就睇你點處理,其實只要尊重鼠鼠獨居既天性,一籠一鼠,每日都同鼠鼠打掃一下佢訓同埋排泄既地方,洗多d籠,定期同鼠鼠沖涼,都可以買鼠廁所俾鼠鼠用,咁就會冇咁臭
而男鼠會比女鼠臭(但男鼠一般會比女鼠乖),較大隻既熊仔鼠會比細隻既臭,亂俾野鼠鼠食又會臭d,如果鼠鼠有唔舒服,部份疾病都會令鼠鼠十分臭,所以有打理得好既情況下好臭,就一定要留意返鼠鼠會唔會唔舒服
2009-07-28 05:45:02 補充：
每月用錢在第5點已回答
而鼠鼠係知飽及有儲糧既習慣,在養鼠初時可放大量食物令鼠鼠更有安全感,日後都可keep住俾較多食物俾鼠鼠,當然要確保食物唔會變質,日後如果有偏食既問題,就可等冇咩糧再添加;而放食物既盆可以買個固定到在籠而又大到可以俾鼠鼠成隻坐入去,鼠鼠好喜歡咁食野既
2009-07-28 05:45:33 補充：
用唔到補充用呢度補充一下:
每月用錢在第5點已回答
而鼠鼠係知飽及有儲糧既習慣,在養鼠初時可放大量食物令鼠鼠更有安全感,日後都可keep住俾較多食物俾鼠鼠,當然要確保食物唔會變質,日後如果有偏食既問題,就可等冇咩糧再添加;而放食物既盆可以買個固定到在籠而又大到可以俾鼠鼠成隻坐入去,鼠鼠好喜歡咁食野既
