F.2 學樂器...

想選擇學一種樂器, 最重要當然系你要鐘意個樣樂器,
鐘意個樣樂器的聲音, 鐘意樂器的特性, 鐘意樂器演奏的樂曲,
無論學邊樣樂器, 都必需付出時間和精神,
細心練習, 鑽研樂器的演奏, 鑽研每一首樂曲,
你有心學一樣樂器就意味著你要放棄一部份做其他事的時間,
如打球, 和朋友MSN, 溫書, 等等等等,
去練習樂器, 除非你從來都無諗過要學好個樣樂器,
純為左玩下試下, 如果系禁我勸你唔好浪費金錢,
學一樣樂器, 並不是1年2年就學得好,
學樂器是長期的, 是永無止境,
這是你必需認真考慮的問題.

另外, 你中二才開始學樂器, 的確較遲,
你要有心理準備, 到你中六畢業時可能樂器都未學得好好,
隨著你升上高班, 你會有越來越多學業上的壓力,
練習樂器的時間會更少, 而學樂器的進展就會不斷減慢,
而且你無任何音樂底, 意味著你是完完全全由0開始.

普通樂器, 如小提琴, 鋼琴, 二胡, 琵琶等等,
5年時間是不太足以學習至高水平, 特別你將會越來越少時間練習,
所以你如果想學好一樣樂器, 你去到大學仍然要繼續學;
當然如果你只在乎參與, 不介意學樂器既成績, 就無所謂.

其實考唔考級系你自己選擇, 無話邊種樂器一定要考級,
只不過出面d人個個都想要張cert去show比人睇,
所以先去考級, 如果你只為興趣, 其實可以唔考級.

眾多樂器之中, 的確以牧童笛, 口琴, 陶笛最容易,
技巧相對較簡單, (但其實專業牧童笛演奏系可以好難好難)
不過香港唔多地方可以學.
弦樂器難度是所有樂器中最高,
鋼琴的技巧, 去到高級都非常複雜艱辛,
木管和銅管較少地方學, 而且好貴.
一般而言, 學西樂的費用遠高於中樂.

你自己再選擇下啦~

任何樂器都可以選擇考5考級......你可以學大提琴, 長號 or 中國笛子

其實真係無咪樂器係唔洗考級試。我都係f.1先開始學二胡,我都同你一樣,無音樂底子。不過我今年f.2已經走左去考三級。雖然,我拉得都唔係咁好,不過,我都建議你學。其實都唔係好難,如果你用心學ge,我相信你好快上手。考唔考級都係你決定姐!!

考唔考級係你鍾意姐,你學piano都唔一定要考級.
你可以學一d普通既樂器,piano,小提琴,guitar.....

口琴,牧童苗或者會岩你！
不過我個人就係學緊horn同piano！
都會考試！
所以我覺得考試會係一種唔錯既經驗！
你都識下啦！
真係幾好架！

唔洗級試其實學上來你會好無壓力, 但之後就無推動力o家啦...

其實你可以唔考級嫁
冇人逼你既
你可以學口琴,牧童苗等等
ED都容易學既樂器
如果你真係想學音樂既話
你可以學下小提琴,鋼琴等等樂器
我覺得小提琴幾好玩
我E家學緊
你可以試下
ED係我既意見
希望可以幫到你啦
=]