遲左交租,比人申請收樓,點做?
2009-07-26 1:35 am
我而家住緊果度租左差唔多一年, 生約到9月底, 個業主剛剛7月1號連租約賣左比新業主, 我從來未試過遲一日交租, 但係就好衰唔衰今個月公司好唔掂要好遲先出糧, 咁新業主係一對老人家, 當我知道要遲出糧我都第一時間同佢講話要月中至月底先交到租, 佢地就日日打黎追, 話我蝦老人家, 其實我真係唔想, 我經濟環境都唔係好, 如果唔係都OD左Credit Card比佢先, 如是者, 到今日即7月25號, 屋企門口貼左三張野意即收樓, 實際管有或居住者通知書同埋一張表格22, 入面寫住要我7日內要去土地審裁處答辯, 同埋業主的原因係話物業係應該7月1日交租但係我一拖再拖, 佢地好心急因為佢地七十幾歲靠租金生活和還銀行借貸, 咁我就打比個業主商量同解釋我唔係因為佢係老人家就蝦佢, 係因為真係有困難所以遲少少先交到, 我話下個星期會入返d租比佢, 咁佢話我唔理, 總之佢會向審裁處一直搞, 直至收到樓收到租, 佢仲話睇下審裁處信邊個, 咁我問佢想點先肯算, 佢話咁你地搬啦, 咁我話ok你想我幾時搬, 佢話你鍾意今日搬都得嫁, 咁我仲有兩個月按金在佢度我問佢點, 佢話哦, 唔知呀我十幾層樓租比人都未試過咁樣, 而家係你唔著嘛, 你自己問人囉, 或者等下睇個官點判囉, 跟住收線, 嘩好野呀阿婆, 你d反應快過d後生業主好多囉, 我遲交租我唔著, 但係今日先係25號咋, 遲左20幾日, 一個月都未夠呀, 快過哂d銀行收數囉, 佢十幾層樓收租份申請書仲講到我唔交租佢無飯開囉, 而家睇黎佢係想連我兩個月按金都食埋囉, 希望有高人指點, 我搬唔緊要, 我剩係想要返兩個月按金, 同埋想知阿婆有無機會連我d按金都食埋, 大佬, 窮無罪嫁, 阿婆, 有錢買樓就唔洗同你租啦, 比條路行下啦.
回答 (2)
2009-07-26 6:01 am
✔ 最佳答案
窮 係 冇 罪 , 但 唔 交 租 即 係 違 反 租 約 就 有 罪 。文 明 社 會 , 大 家 依 法 立 約 , 大 家 就 應 該 依 合 約 去 做 , 雖 然 業 主 好 冇 人 情 味 , 但 事 情 的 確 是 事 實 , 佢 完 全 是 依 法 去 做 , 追 租 是 完 全 合 法 的 。
如 果 你 同 意 業 主 提 意 立 即 搬 走 , 你 最 好 就 白 紙 黑 字 寫 清 楚 , 大 家 同 意 於 X 年 X 月 X 日 終 止 租 約 , 租 客 於 X 年 X 月 X 日 把 物 業 交 還 業 主 , 如 物 業 沒 有 損 毀 , 業 主 要 退 還 按 金 X X X X X 元 給 租 客 , 雙 方 同 意 大 家 都 無 需 要 對 終 止 租 約 作 任 何 賠 償 , 要 有 日 期 , 雙 方 簽 名 , 咁 就 唔 怕 無 端 端 比 人 扣 你 D 按 金 啦 。
------ ------
因 為 系 統 經 常 消 失 了 我 的 補 充 回 答 , 所 以 , 在 系 統 未 恢 復 前 , 暫 時 不 會「補 充 」任 何 回 答 , 如 果 仍 需 要 我 的 進 一 步 的 意 見 或 更 詳 細 的 資 料 , 請 從 新 發 問 或 直 接 電 郵 ( 系 統 在 7 月 1 日 , 未 經 我 的 同 意 把 我 的 匿 稱 gohoproperties 變 成 了 我 的 聯 絡 電 郵 地 址 ) 給 我 , 不 便 之 處 , 敬 請 見 諒 !
2009-07-26 7:40 am
你拖欠租金超過15日，業主係有權到法庭追租收樓，阿婆係法理上無錯，理虧係你。
佢而家告你，睇你想吾想搬走，依租約你可住到9月底。
如果你想繼續住到9月底，你就要交租，只要你交租，就不構成毀約，業主就告你吾到，當然你最好係到法庭答辯前交租，住入數紙到法庭答辯，證明你已交租。記住要去法庭答辯，吾係法庭可以單方面判業主勝訴。
如果你都想提早搬走，咁就同業主商議，白紙黑字寫明雙方同意提早解約，業主同意退回按金。
佢而家告你，睇你想吾想搬走，依租約你可住到9月底。
如果你想繼續住到9月底，你就要交租，只要你交租，就不構成毀約，業主就告你吾到，當然你最好係到法庭答辯前交租，住入數紙到法庭答辯，證明你已交租。記住要去法庭答辯，吾係法庭可以單方面判業主勝訴。
如果你都想提早搬走，咁就同業主商議，白紙黑字寫明雙方同意提早解約，業主同意退回按金。
收錄日期: 2021-04-19 15:03:01
原文連結 [永久失效]:
https://hk.answers.yahoo.com/question/index?qid=20090725000051KK01364