我被狗咬了,狗主人不肯負責任,點算?

我上個禮拜日被街坊隻大狼狗咬親(狗主人將狗綁係公眾地方,又沒同佢佩帶口罩)我經過果度,一下就朴埋來,係我左邊大腿度,咬左兩個大窿,同一個細窿,幾條痕,仲咬爛左條牛仔褲,我當時想報警,望下個條狗,覺得佢都幾可憐,如果報左警,好有可能條命就冇埋了,點都係一條生命,再講又係街坊,日日都見到,搞到面阻阻,似乎又冇乜意思,於是就沒有報到警,當時狗主人有帶我去睇醫生,有打破傷風針,開左消炎葯食,有消毒葯水來洗,同一些消毒葯膏.係狗主人畀嘅湯藥費.
事到如今,我有整個禮拜沒返工了,因為我著唔到褲,又痛緊,(我係做散工嘅,我哋返工係著西褲返工嘅,我又沒有買保險)我就向狗主人索償務工費,但狗主人話佢自己都冇野做,冇錢,(其實佢就係樓下開車房,做氣車維修)我又試尋晚打電話畀個狗主人講,叫佢諗清楚,如果佢唔賠償務工費我,我就夾硬去返工,出左事,我就報警,去公立醫院,叫佢盡快答覆我,但到宜家都沒有覆返電話畀我,睇來佢應該想耍賴,請問我應該點做?希望有人係度可以幫到我.謝謝!