有關樓宇維修搭棚事宜

事緣：
本人半年前曾向屋苑的管理處投訴樓上的單位有石屎跌落ｏ黎（有拳頭咁大），但至今仍本有修理好，至最近打風有有石屎跌落ｏ黎，鋼根亦外露了一大段，本人向管理處查詢有冇聯絡樓上的住戶叫他們搵師傅維修，得出的答覆係樓上的住客好忙，搵佢地唔到，我話搵半年都搵唔到？！你地唔識得放封信在他的信箱裡，叫他們聯絡你ｏ地，甚至叫他們維修？！

想請各位師傅，管理處叫我借我的單位用黎搭棚整樓上個外牆，佢地話整樓上一定係由樓下個單位搭棚搭上去的．我唔肯，佢而家放左封信在我的信箱，仲話我個主人房的外牆有”撲”起叫我搵人去整，但我又唔見有囉，所以本人覺得管理處用尼個借口，叫我去整外牆，再乘機整埋樓上．本人想向各位師傅請教，係唔係一定要在我的單位搭棚先可以整到樓上的外牆，樓上個單位唔可以搭個棚整返爛左的地方嗎？謝謝解答．