養金魚既缸應該點佈置?

1. 我在缸底鋪了細碎石, 大約2 cm厚, 金魚經常吞下碎石, 再嘔出來, 牠是不是當成食物? 應該換比較大的碎石嗎?
我自己養金魚都有唔少經驗,
對放置底材,我建議立即清除,
因為金魚屙屎強,如果有底材,一定積聚好多魚糧,
到時清潔就極為麻煩!!
以前試過一至兩個月清洗一次,
每次一極d底材,d水都會變到啡啡黑黑,
所以建議唔落底材,
有助濾水器更易吸入魚屎~
魚其實對任何物品都無知,
一定會先當食物,金魚就更不例外!!
有個例子,
條金魚游埋去吞左條魚屎,
當佢感覺到係魚屎,佢會即刻吐出,
所以佢會將咩都當成食物,
而且仲要吐返後,又有機會再吞返入口~
2. 我用頂掛式的過濾器, 出水比較大, 可以養水草嗎? 試過會被水沖歪. 那可以在出水口下面放草地嗎?
頂部過濾定係掛缸式濾水器????
頂部係一個長盒,掛缸式係一個細濾盒~
種水草係有問題,
水流過大,水草會周圍飛,
唔種好過種~
而所謂草地,應該係指草皮,
果d或者無問題,
不過唔建議你買,因為我試過買後,d水一陣怪味,
蝦同魚都死晒~
3. 養金魚草或羅漢茜比較好? 它們是不是能夠讓金魚蛋黏附, 不用買生仔兜?
首先,
如果你養金魚又想種草,
最建議既只有水榕,因為佢係陰性水草,
需要少光、少養份,好易種,
而且唔駛插落沙泥,而係扎落任何物品上便可!!
種水草係好有學問,
好似你咁將水草插落沙石種,水草好快就死,
因為沙石無養份,若要插草,底材要有養份供應先得~
至於水榕,佢係唔需要插落底材,扎令佢可以係任何缸都種到~
你所講能夠讓金魚蛋黏附,
其實言之尚早,金魚要繁殖,體型要有返咁上下,
而且要識分金魚公母,
否則有金魚都唔能夠繁殖~~
養魚要繁殖,生仔兜係不可免除,
因為大部分魚都會將魚卵或幼魚食返,
無生仔兜的話,可以話唔能夠繁殖大部分魚類!!
4. 金魚可以跟哪些蝦一起養?
金魚唔可以同任何蝦一齊養,
一) 金魚口大,咩都可以放落口
二) 金魚唔懂性,咩都將之當作食物
三) 水質唔適合,養唔起蝦
5. 放假山好不好? 還可以怎樣裝飾?
放假山都好,
不過都係人造物品,唔建議放咁多,
太造作反而有反效果~
可以試下買市面一d已扎水草既木、石,
果d既天然,又自然,係最好既造景物品,
不過價格都唔平~~
你可以參考返市面賣魚鋪既金魚缸,
佢地大多數都係無落水草、沙石、裝飾品,
清缸養,金魚係最靚最健康!!

2009-07-25 12:29:53 補充：
我都有養金魚,
不妨去我個blog度參考一下 =]

如果你係新手,最好就係裸缸,唔好太多裝飾最多幾舊大石仔(大約手掌禁大)加幾棵水草,因為太多裝飾（特別是缸底碎石）會好容易滋生細菌,會令魚魚生病