衰咗....被人告販毒!

一般而言，販毒係嚴重案件，係同佢的刑罰有關，可以判到終身監禁，同謀殺,強姦同等嚴重，所以你的男朋友當然要還押吧!

不過，又唔洗咁灰心，因為而家好少會判到終身監禁咁勁，多數係根據佢地販毒的份量判刑，而悔意等等最多都係減1/3刑期

但販毒的份量係對判刑係好重要同關鍵因素，如果你男朋友販成幾百克k仔，都好勁下，我唔夠膽話會唔會判10幾年，但起碼都要判2-3年，加埋係販k仔同可卡因兩樣野，呢個係加刑因素，因為兩樣毒品一齊賣，咁顯得出販毒意圖及係有組織咁販毒，所以我估計你男朋友會判大約4-5年啦，有需要會判佢去戒毒所，不過唔洗指意2年內就出番黎，

而根據以往好多案件，大約要半年至一年左右，而且由於販毒係嚴重案件，所以一般都會入高等法院審架啦，唔會係下級法院審，下級個d就算召你男朋友出court最多都係要警方提供證供啊或者提堂，應該100%轉介案件去高等法院，

不過又唔洗咁灰，你男友都係販大約百幾克同幾克，唔係成幾千kg同埋係機場用飛機運毒，唔會判到10幾年咁重的，但係數年係一定要!你男友唔好再衰啦，販毒害人害物，害到自已又害到人地，又教壞青少年，搞到青少年係咁吸毒，暈低係學校又有，暈低係沙灘又有，曾特首都要出黎禁毒! 唔好再衰啦同你男友講

2009-07-24 22:14:48 補充：
講錯，唔會判到10幾年20幾年咁重，但係要睇下你男朋友有無後悔之意，如果無我唔排除法官會判到咁重! 所以你叫你男朋友死都要有悔意，扮野都要扮埋佢，係要法官面前見到，我唔理你男朋友係感化官點樣惡劣啦，總之係法官面前一定要有悔意，正所謂眼見為實! 法官一定信自已多過信感化官寫份報告。

(1). 一般販毒案由拉人到上庭大約要等9個月.
(2). 百幾克 k仔同幾克可卡因, 算係販運, 一定坐監. 戒毒 / 守行為通通唔啱用.
根據上訴庭在許守城一案對藏有 / 販運K仔的判刑指引:
1克或以下: 可以藏毒為交替, 判刑由法官決定
1-10克: 判監2-4年
10-50克: 判監4-6年
50-300克: 判監6-9年
300-600克: 判監9-12年
600-1000克: 判監12-14年
1000克以上: 判監14年以上
百幾克k仔會判6-9年監禁.
而上訴庭在劉德明一案對藏有 / 販運可卡因 / 海洛英的判刑指引係 10克內 2-5年監禁.
佢同時被搜到 k仔同可卡因, 判刑會同期執行, 大冚細, 即係會判 6-9年監禁. 認罪可減 1/3.