結婚擺酒同過大禮嘅問題

1. 擺酒只係一個名稱啫，無乜定意嘅。

2. 派唔派帖就要你哋同d親戚溝通啦，因為有d人會好執着要收帖，有d又無所謂，所以溝通過就唔駛驚得罪咗人都唔知，至於人情方面，既然大家親戚，知道你結婚都會識做做禮俾你啦！所以做唔做人情都唔關張帖事嘅。

3. 正式嚟講係要嘅。

4. 訂酒席首要注意係要包房，有自己空間，因為酒樓人來人往，既尷尬，行開行埋影相又唔方便。另外要留意酒席包d乜，費事埋單時口同鼻抝。有d酒樓係要先俾訂金同要現金找數嘅，記得要預備現金，擺酒當晚交屋企人找數，因為新人會好忙，兼顧唔到跌咗就麻煩。

5. 除咗禮金+利是，最好買d中式同西式禮餅，可以分俾上你屋企幫手嘅親戚朋友，如果屋企要拜神就買兩對龍鳳餅，拜完神一對留女家，一對回俾男家。咁樣應該係最簡單o架啦~

2009-08-06 00:56:14 補充：
答你補充題：
1.如果派俾你婆婆，舅父就唔需要，寫闔府統請就可以，同樣如果派俾你麻麻，d叔伯都唔需要派。(但係我都講咗有d人好執着有冇帖收，所以最好問清楚，費事得罪人)
2.如果你想簡單，海味可以用利是代替，想好睇d咪買埋囉，都係隨你自己意思嘅啫！食飯就一定o架啦，咁最好梗係你哋兩個新人請啦！