急~係邊到可查到以往刑事案負責律師

刑事分好多類, 罪行亦分輕重. 你講得咁少, 都唔知點答你.
例如上 court仔嘅案, 可以揾律師打, 亦可以揾大狀打. 上區院 / 高院嘅案, 就大多數 / 一定要揾大狀打. 價錢當然有分別.
例如揾律師上 court仔打單傷人, 收費大約$8000 一堂. 揾大狀打就 $15000一堂.
上區院 / 高院, 新丁大狀收費大約 $20000 一堂, 年資長嘅大約 $40000 一堂, 資深大狀十幾萬 一堂, 重未計律師收費 (揾大狀一定要經律師轉聘).
刑事大狀無話專打邊一類案嘅. 做得刑事大狀就預咗乜案都識打. 只不過有時贏咗一兩單某類大案, 多人講, 就俾人以為佢專打某類案啫.
每單案件嘅辯護大狀係邊個, 只有法庭同律師樓有紀錄, 外人一般係查唔到嘅.
每個大狀 / 律師收費都唔同, 你又無講犯咗乜案, 喺邊度審, 有幾多錢請律師... 點介紹你?!?