Urgent!!! Flute考試伴奏

冇伴奏譜表示係 solo piece, 通常 instrumental exam會有個 solo piece 的. 只要 speed 一樣, 通常會夾到. 只係考 flute學生 intonation, 伴奏彈得好5好5會太影響, 但是如果彈得好 examiner感覺好, will be a bonus!

係,C o個首唔駛伴奏

不用擔心,用最大努力就可以

請問你之前有否同其他學生夾過伴奏&考試呢？你嘅音樂底ok夠“硬”嗎？——鋼琴彈得好嗎？節奏感好嗎？sight-reading如何？音樂感ok嗎？）
伴奏唔係淨係夾甘簡單架，你需要在夾嘅同時引導學生點樣聼你嘅伴奏共同將樂曲内容配合表達到最佳狀態，呢樣係試前要做嘅。而仲有一樣，係考試過程中你自己需要係學生有“特發事件”發生時臨場靈活處理——學生吹一半錯左拍子斷左音你要搵到地方插入去繼續彈；學生搵唔到地方接落去你要指引學生由平時熟練嘅地方再吹過以減低學生嘅緊張感（請注意：並唔一定係由頭開始）……類似甘樣嘅突發事件，你夠唔夠應付？尤其係年紀細嘅學生特別容易有突發事件，我曾經試過一個平時練到我哋都識背嘅妹妹，竟然係考試個日唔記得有前奏就自己吹左落去。遇到呢d情況你唔可以亂嗮陣腳，如果你亂左搵唔到音，個學生就好慘了，失去左平時慣有嘅伴奏音樂感覺，發揮會差好多。甘所以就需要你有熟練既樂曲彈奏及良好嘅應變能力（包括sight-reading能力），兩樣野少一樣都唔得。
恕我直言，如果你無咩時間練熟伴奏而又從未試過同人夾嘅，得一個月時間就好難夾得好，我並唔清楚你可以係短時間内將一首歌彈到咩程度（呢一點無人清楚過你自己），所以如果你無咩信心同決心係短時間内彈好份譜，萬一考試考得唔好，家長同學生係會有怨言嘅。但係，如果你真係有心同個學生夾，係考試之前你要多熟悉份譜——係你地份譜，唔米淨係你自己個part，包括音要彈熟、音樂綫條要清晰，仲有記住你充當嘅係伴奏角色而唔係獨奏，自己要把握彈奏嘅分寸。基本上，考試時只可以學生出錯而無可以係你出錯。所以點解話有時伴奏仲難過獨奏就係甘解，因爲係兩個人嘅合作而唔係一個人表演。
至於你講group C，係唔駛伴奏嘅，叫學生自己吹就得了。即係話，你係一個月内，熟悉兩首歌，如果你確定自己搞得掂就應承對方吧！
希望以上分析可以幫到你，加油啦！

2009-07-26 00:36:26 補充：
“只要 speed一樣, 通常會夾到.”但係夾到唔代表夾得好ar，只係夾speed只係夾音，無幾個學生同老師會夾唔到，除非真係能力有限未夠級數所要求既水平。如果淨係考學生intonation,甘就唔需要伴奏老師了。
“伴奏彈得好5好5會太影響”，個人認爲並非如此。英國音樂考試講座教授曾經提過：伴奏好與差，完全可以令到學生成績相差十幾分甚至更多。校際比賽又好，其他大型比賽又好，無一個比賽既前幾名係用一個只識夾音同米speed既伴奏......