有什麼時裝雜誌值得購買?

vivi同ray(大概30~40元)
本書係有日文版同中文版，有化妝、髮型同服飾配搭，如果你唔識日文都唔緊要，可以睇中文版。

zipper,cutie,nonno,mini,with,mina, can cam(45~80元)
呢幾本就全日文，如果你唔識日文可能會唔知佢講咩，不過佢入面d圖片好多，就算唔知d日文講咩都可以大概知道點配搭，而三本當中，我會推薦can cam,zipper同cutie多d，因為佢地配搭既衫都係年輕d，with,nonno就成熟d，mini雖然都係年輕既，但係入面d內容麻麻。
popteen
呢本講化妝多d，而且佢d封面女仔多數係好似theresa個look咁，比較girlish d~
seventeen
呢本同cuite個d差唔多，不過有個專欄講減肥，有教減唔同部位，仲會有model親身試(雖然唔知係唔係真，但佢有d佢地係屋企著居家服，做運動影既相)，而且會show一d model既屋企點佈置。
outdoor style go out, fruits
呢幾本就唔會話比你聽有d咩新衫、係邊到買衫，佢入面有好多snap shot，你可以從中參考d人著咩衫會配咩髮型，純參考，如果你自問有好多衫，但唔識配，就可以參照下。
nadesico
呢本書都係成熟d既，我唔肯呢本有冇得郵購，我之前買過，不過覺得麻麻就冇再買。呢本會成日請一d明星上黎做model，例如堀北真希等。

以上呢d都係日文雜誌，除左vivi同ray之外其他都係得日文版，而且我全部都有睇過，不過日本雜誌係好貴，除左係日本物價指數高之外，有d係空運到港，所以有時會賣到80幾蚊都有，一般黎講我個人會like zipper同cuite多d，我覺得佢介紹既野多而且真係岩岩出就即刻知，例如有時一出mickey tee佢都會好快介紹，而且著得好型。另外seventeen都唔錯，配得好靚，內容都ok豐富。其實日本有好多潮流雜誌，係睇你想要d咩，有d係專講頸巾飾物，有d就講髮型，甚至有d係專講關西人既打扮，如果嫌費既你可以買下d香港雜誌，不過老實講，佢地睇都係抄日本，例如日本興泡泡裙，佢地又會跟隨佢地，有時佢地仲會登日本model點著，話俾你聽，日本好多雜誌都係咁襯。同埋香港人口唔及日本多，多數香港雜誌會將髮型、美容、化妝、服飾混含係一本，有時為左迎合唔同年齡階層既女性，佢地介紹既野，未必期期都岩你。

香港雜誌:
fashion&beauty($10~15左右)
有髮型、美容、化妝、服飾，佢會有埋大眾熟悉既品牌，例如gucci個d手袋同新出既時裝，比較適合成熟既上班一族。
ella,cosmopolitan($25至30左右)
同頭先個本差唔多，不過國際化d~
yes
呢本就係年輕人多d，不過入面多數都係講一d歌手近況，真正教美容同潮流既篇幅唔多，而且佢地大多係跟日本既配搭，我個人認為麻麻，勝在係有介紹好多比較平民化既飾物同購物地點，適合在學既青少年~

老實講睇你想要d咩同你既budget係幾多，我認為如果你真係想專睇潮流既話，買日雜會好d，因為香港、台灣等地方其實都係以日本既潮流為指標，佢地教既野你都可以係日雜到搵到，不過日雜除左貴同唔係人人都睇得明之外，佢最唔好就係佢介紹d野大部分都係日本先有得買，得個恨字。如果你既目標係知道最新潮流既話，可以買日雜，但想知道近排有咩新野出可以睇香港雜誌，經濟d~

p.s.日本雜誌有另一個好~就係佢地d model著既可能都唔係d咩牌子，甚至係一d地攤貨，但佢地就係有本事將佢配搭得好新潮~我覺得呢方面好值得學習，而且好經濟~