番禺長隆酒店+水上樂園 [10分]

suki19932003

2009-07-24 12:21 am

8月1-3日[六-一] 4個人去[一家人][沒有小童]
想住番禺長隆酒店同埋玩水上樂園
1.邊間旅行社最低[包括住+玩水上]
2.住番禺長隆酒店係咪有特別通道入去同無限次進出
3.水上樂園有無話住hotel而有優先排隊
4.番禺長隆酒店,,一家人建議住咩房
5.如果唔係hotel食野[lunch and dinner]邊到有好野食..[要近]
6.如果去3日有無機會可以玩到水上樂園+機動遊戲
[如有,,可以建議大約行程嗎?!]
7. 2個主題樂園[水上樂園+機動遊戲]每個大約用幾多時間可以
大約玩哂
8.水上樂園內一些特別收費[e.g locker,水泡......]
希望可以幫幫手,,因就黎去ga la!!!!

更新1:

樓下尼位答得非常好但我仲有少少問題想問,,答埋就一定俾你做最佳ans 9.另加入場卷,但只係租一間2人房,咁果2個仲有無得用特別通道?! 10.去水上樂園,可5可以著t-shirt or波褲 11.我地應該5去機動,,咁果3日仲有咩景點好介紹呀?! 12.點樣安排會比較合適,,無咁趕!! thank you very much

回答 (1)

lung

2009-07-25 12:34 am

✔ 最佳答案

1. 應該中旅社比較抵.
2. 住番禺長隆酒店有特別通道入去同無限次進出的. 讚!!
3. 住番禺長隆酒店入水上樂園玩, 係有優先排隊玩的. 讚!!
4. 2個人一間房.
5. 其實長隆附近都幾荒蕪, 一係坐免費巴士轉地鐵出去, 一係坐的士(約RMB30)出去, 最近係四海一家. 或去祈福新村搵野食.
6. 3日可以玩晒啦, 第一日可以先玩水上樂園, 晚上睇馬戲, 第二日可以去歡樂世界, 晚上去睇動物園.
7. 有優先排隊, 好快可以玩得晒所有野.
8. 水上樂園特別收費: LOCKER:租金20, 按金20; 水泡:單圈租金20,按金20;雙圈租金40,按金20;3圈租金60,按金20. 厠所風筒吹頭: 1蚊/分鐘. 哈哈!! (我剛於18/19號去完的)
希望幫到你!!

2009-07-27 23:38:54 補充：
9. 若你只租一間2人房, 咁就只有2個人有得用特別通道及優先免排隊.
10. 可以穿T-SHIRT和波褲.
11. 其實長隆就只有動物園,水上樂園,歡樂世界及大馬戲這4個項目玩, 若你唔玩歡樂世界, 2天都可以玩晒其他項目的, 還有一天你可以搭番地鐵出市區行下街,SHOPPING買野, 食下野咁.
12. 第一天去到就玩水上樂園, 晚上看大馬戲, 第二天就去動物園. 第三天出番市區行下食下咁.
希望幫到你!!

👍 0 👎 0