“浪茄灣”設施！

樓上嗰位仁兄提供既資料都算正確，不過講到唔清唔楚，樓主跟住做好有可能去唔到。
首先樓主要知道一樣野，浪茄同其他四貢既著名海灘一樣都係極為偏僻既地方，係香港既東邊盡頭，本身好難去。去浪茄理論上唔可以係北潭涌起程行去，如果真係行，仲要係夏天，保証比死更難受，而且必定要飛行服務隊拯救你地一班人。點解﹖因為由萬宜水庫東壩出發，都要翻過一個山及行超過半個鐘，而你由北潭涌出發要行接近四個鐘先會去到萬宜水庫東壩，你唸下去到浪茄要幾耐﹖所以如果真係要去，最好既方法係成班人係北潭涌搭的士去萬宜水庫東壩，然後先至翻過嗰個山去到。
不過，北潭涌未必咁易截的士，所以最保險既方法係由西貢市中心坐的士直接去萬宜水庫東壩，雖然咁樣貴啲，但一定去得到，而且成班人分擔車費唔怕。
樓上既仁兄話浪茄係“拍拖勝地”，聽到真係覺得好好笑，有無人搭成百蚊的士，然後翻山越嶺半個鐘以上去拍拖行沙灘﹖唔該吹水都唔好吹咁大。浪茄無錯係好靚同好少人，不過佢少人係因為佢實在太偏僻太難去，所以當然唔會有任何(記住係任何)一般泳灘既設施。嗰度完全無救生員、防鯊網及浮台，而且由於個沙灘面對大洋，所以浪都幾高，近岸既淺水海底亦係卵石滿佈，其實唔係咁適合游水。如果樓主堅持要游水，一定要注意安全，因為係嗰度出左事，絕對無人救到你。
另外，浪茄海灘後面少少有一個規模幾大既福音戒毒中心，夜晚時中心既燈極光，如果你係嗰度紮營過夜，都幾影響睡眠。仲有，近中心嗰邊既草地蚊極多，可以既話紮營係海灘上面。
回程同去程一樣，都係翻山出番去東壩然後係搭的士出去，今次搭到去北潭涌就得，因為由巴士出西貢。

咁到底浪茄灣有無得沖身呢？去玩完游完水無理由成身海水出返黎.... 有無士多之類？

茄灣是香港一個美絕而較少遊人到的一個泳灘；其優靜及美極的景觀，亦是另一個拍拖勝地。

　　

交通：可於假日在鑽石山乘搭 96R 或從小西灣乘搭 698R，平日則可在西貢乘搭 94 號，在上窰站下車，即北潭涌後一個；回程則看時間，在水壩處通常會有不少的士守候，從水壩至北潭涌約五十多元。

時間：如由北潭涌至浪茄，約三至四小時，如再走至西灣，返回北潭涌，全程約七小時。



在上窰站下車 起步不久，即可見上窰家樂徑，但目標地是浪茄，便要沿大路繼續走