我有牙周病問題唔知成個療程要幾錢

牙周病是有分階段的，如果是牙肉腫脹刷牙流牙血，醫生可能叫你分二次洗牙，大概$500-600元。因為第一次要清洗比較表面的牙石，再用藥性漱口水漱一個星期，等牙肉消腫收縮返露出比較深的牙石再去第二次清洗，之後就要每半年至一年keep住洗牙一次。這是第一階段的牙周病治療方法。為什麼醫生不一次性幫你洗乾淨呢？很多病人都認為醫生是為了賺錢，其實不是，如果一次就要洗得很深入，一來病人會很辛苦，可能第日就不敢再去洗牙啦。二來有可能會令到病人流血不止。而且亦可能洗得不徹底。
第二階段的牙周病就要打麻醉針再深層清潔，包括用特別的儀器刮牙腳，通常醫生會分兩次來做。每邊上下一起做，留一邊吃嘢。大概幾千元不等。(如果特別嚴重有時可能要割開d牙肉，費用會再貴d)。但是牙周病治療并不能令你收縮的牙肉牙骨再長高，而是控制住不再讓它繼續惡化。但是就算做了牙周病治療之後亦都要靠你自己保持清潔，每日早晚用正確方法刷牙和用牙線，而疏大的牙縫可以用牙縫刷，萬寧同屈臣氏都有得賣。要好有心機同耐性。做完牙周病治療之後通常就要KEEP住每3個月去給醫生清洗一次，直至醫生覺得已經稳定，之後就可以半年洗一次。
而第三階段的牙周病會令牙齒鬆和移位，基本上要脫牙啦，如果是二階段尾三階段頭的話醫生通常都會由病人自己決定，比如病人不介意使錢的話，醫生都會盡下人事幫你清潔，留得幾耐就得幾耐，最緊要做之前講清講楚。
其實牙周病是預防勝於治療的，每年KEEP住洗一至二次牙都才幾百元啫，如果等到牙周病嚴重就要又辛苦又使錢還可能留不住牙齒。而且通常牙周病都會是全口腔的事。很多人30-40歲已經帶緊活動牙托，大部份都是牙周病才脫牙的。每個人只有28隻牙(不包括智慧牙)，脫一隻就會少一隻啦，所以要好好珍惜啊。
洗牙是有效預防牙周病的，有蛀牙又可以即時補返，如果拖到牙痛就不是補牙咁簡單啦，想留隻牙就要做根管治療(杜牙根)再加牙套，費用就要$4000-5000元啦，要去成5-7次呀。補隻牙才$300-500元。而且杜牙根亦不是100%，有可能幾年後又翻發。所以朋友，不要再拖啦，即刻去睇牙醫啦，起碼醫生可以給你一個專業的意見。通常不做治療的話會收$100元診金。亦都有診所不收診金，你去之前可以問清楚。
還有一點，牙周病令至牙齒變長是不可以補的。而牙肉長期發炎會令牙骨不斷收縮，直至脫落。

其實所謂牙周病療程都係洗牙,不過係要洗2-3次,洗完一次之後隔一段時間再洗第二次,因為牙石積在牙與牙肉邊,可以積得很深,不能一之過洗晒.每次$250-500
不過洗完牙後,冇左很多牙石,牙肉邊收縮,會令牙腳露出,令隻牙睇起上黎很長及容易敏感(即食冷熱食物感到酸軟),牙醫唯有幫你補,呢條數先西利,補一隻$250-300,隨時6,7,8隻,仲有爛牙又要補,補一隻$250-300.睇你有幾多牙要補.仲有可能有d牙救唔番,要脫既話門牙大約$300隻,大牙大約$800隻.脫完就要鑲假牙,普通活動式假牙幾千,種牙一隻2萬.

所以最後埋單視乎閣下棚牙既情況而定,最少數千完,自已計la

2009-07-24 08:55:03 補充：
選擇牙醫唔駛點格價,間間都差唔多,最好搵d開o係公屋商場果d,會平d,
唔好過中環,超貴.
搵港大果d,有信心保證
唔好搵牙周病專科醫生,會貴d
普通牙科醫生就行

2009-07-29 07:19:24 補充：
我都補過
補番睇起上黎真係無咁長