請問破傷風針加強型和要打三針有什麼區別?

其實針都係個種針都係一樣既內容同劑量
至於個針會係加強定係三針
係視乎你之前打過未

破傷風針完全未打過既情況下
係應該先完成3針得到10年免疫

之後每十年如果再遇到受傷
再打一針加強針
又有多10年免疫力
如此類推

因為香港出世既細路學校會打針
連埋出世打既三針
免疫力係可以去到20歲
之後再按需要再受傷再打加強針

如果唔係香港出世係大陸或者外國個d
基本上世界其他地方既疫苗計劃
都會令細路對破傷風有免疫力
所以針紙真係好緊要
應該知道自己係打過咩針

樓主既情況係要知番自己之前有冇打過
如果冇打過只係打一針係唔夠力既
但如果之前已經打過三針
咁加強劑就夠用