鍾意份工, 但係唔鍾意d同事, 點算?

這種情況幾乎間間公司都有，即如你所講，無理由為這些人而辭工，真的走了，去第二間公司又會遇到一樣的人，到時更痛苦，以下有兩個辦法：
一）爭取表現，希望升職之後不用與他們對口對面，當然如果公司規模細，可能作用不大。
二）調節自己心態，他們亦一定有自己優點，不然，早已炒魷，你記住自己係打工，唔係同佢哋做人世，若然俾啲你睇唔起唔順眼嘅人影響自己情緒，幾唔值，係咪？
係咁架啦，你工作愈長久，便會發現人事才是工作中至大荊棘，如不用理人事方面，工作速度快三倍，真係七折出糧都有賺。

2009-07-22 19:06:38 補充：
如果極度困擾，就唯有大膽啲－－撇啦，但要冒一蟹不如一蟹嘅險，講真，邊有返工返得開心，出糧出得滿意嘅工架，既然上司都咁講，若想留底就要忍，但與自己人身安全有關就真係要考慮考慮，所謂山窮水盡，柳暗花明，若你搵工不難，不如試吓第二間公司，可能啲人衰法唔好，轉吓都好。

2009-07-23 13:42:29 補充：
如果上司都咁講，又關乎人身安全嘅，就應該［撇］啦，所謂山窮水盡，柳暗花明，無人可知未來，如果搵工唔難，試吓去第二處，感受吓第二種衰法都好呀，就算呢間公司你幾鍾意，都無可能話一世留低，有時人係要冒吓險，不過就要諗清楚你寧願忍到爆，還是冒一蟹不如蟹之險啦。

2009-07-24 12:03:08 補充：
唔好意思咁長氣，我只係認為打工為兩餐，做到有抑鬱就唔抵，唔知你真實情況係點，但我有朋友曾講，最多日日食個波蘿包，冇理由一個波蘿包嘅錢都搵唔到，希望你自己走出心情谷底，唔好太困擾，放咗工就唔好再諗。