想養一隻白老鼠(10點)

同養一隻倉鼠無分別,只要係缸底放一些木糠,一間屋仔,一兜水及老鼠既糧食就可以,冬季要加一些布或棉花比佢保溫就可以.
每隔一至兩天換木糠,每天換水及加糧食.每星期可以同佢沖一次涼,老鼠用既沖涼粉,寵物店一般都有售,只要用一個兜仔,放落去平面左右就夠,之後放到個缸入面,老鼠自己就會入去沖涼......不過都有一d唔鍾意沖涼既老鼠,如果你到時真係有d咁既問題,可以再教你點幫佢沖涼.
另外你要養白老鼠,一般既白老鼠都係好細隻(紅色眼).如果真係要養大隻既,可以選擇葵鼠,比起一般既白老鼠,佢地大隻3倍左右,不過全白色你就要再找下,因為一般葵鼠都係混色,有黑/白/啡等等.

白老鼠可以有1-2年命
一般白老鼠身長7cm,尾長8cm
可以係爬店買到,10蚊有找
我之前養左兩隻,
要勤換底,因為尿味真係好難頂
如果想要再大隻d,
考慮科學鼠,
身長25cm,尾長20cm,
由於個性粗暴,其實係唔岩做寵物既,原意要黎餵蛇同做實驗.
如果真係要養,忠告就係可觀不可玩