VHS錄影機一問

你可以用多一條天線,先將VHS錄影機的天線輸出接駁DVD錄影機的天線輸入,再將原本連接VHS錄影機接去電視的天線,接去DVD錄影機就得.不過天線經咁多重連接,訊號衰減會頗大.有機會要着住其中一部機去睇電視.
其實VHS錄影機已是被淘汰邊緣,錄電視效果亦唔夠DVD錄影機好.
建議你不如用DVD錄影機作主力接收,即係天線入DVD錄影機,DVD錄影機天線出電視,之後先另外搵一個video台用紅白黃線接VHS錄影機用來睇翻啲舊帶算喇.如果電視紅白黃輸入唔夠就買一個紅白黃選擇器吧,只需幾十蚊.
其實為咗避免部VHS錄影機壞咗買唔翻而睇唔到啲舊帶,應該盡量搵時間將佢地轉晒DVD,咁之後索性掉咗部VHS錄影機都冇問題啦.
不過如果你部DVD錄影機冇硬碟,咁長時間錄影例如去旅行等會有問題,咁就可能要靠翻部VHS錄影機喇.