應唔應該再繼續?

其實主要都係你對個男仔無信心，
我係女，我都會去睇唔同既男仔同女仔，
靚既野都係賞心悅目，望多d人都開心d架，
而且我仲會同d男仔一齊講下邊個好樣，
連同我對鐘意個都會係咁，
你講時我都講，起碼大家有多d野傾，
唔使辟開d話題(我mean大庭廣眾個陣)，
無錯當講第二d女仔我都會有d唔開心，
但係如果咁就唔開我咪日日都好唔得閒！


女仔好多時都係咁架，
當你有既時候就會唔滿足，
無既時候先知後悔，
你個男朋友同一齊都咁耐啦，
你都應該知佢份人點，
如果佢唔鐘意你佢唔會係大時大節做咁多野，
仲係生日整蛋糕個d野，
我同你講而家無乜男仔會咁架，
你個男朋已經好好架啦，唔止可以，
其實到最後佢會望得最多最耐都係你！


感情係兩方面既事，
一段長久既感情需要要兩方面去維係，
你如果仲鐘意就繼續啦，
除非你對佢已經淡左，
不過你都係要諗清楚，
你下次個個未必會好過佢咁對你！

作為一個男人平心而論,至少知你男有係正常男人.
望女仔好正常,如果他望男仔會有咩反應.係人到愛睇靚野,當你見到靚衫靚鞋唔會望咩.又係唔理男友去睇.望女仔還有一樣野,係你買衫是比D潮流資訊你.唔係比唔到建議你你又火.
至少知你男友是老實人,比我望原女仔一定會話個女仔無有你這麼靚.
電腦有其他女性朋友相,真係好平常,大家到有大家既社會圈子.家人以外也要朋友,唔通你D朋友只有女仔或你沒朋友?或你想見到D無著衫褲既囡園係電腦到?相係用來回憶,你可以拿走D相但拿唔走他的回憶.他比你這樣用他的電腦也正明他信任你.
生日也有安排正明他細心,比我特別節日咩周年紀念一定沒.
人無完美是正常,但人愛完美也是正常.當你買野你想件野係爛,但你當你用到有小小爛也會用.因為你對E件野有了感情.
小氣你係小氣左D,睇你E家唔係太大,火一D沒問題.找過個也可以,但睇你男友係好仔,這樣放棄會好可惜.之後係點沒人,也無人知.

呢D男人,飛o左佢算數la!!!~唔好咁長情!靚女怕咩冇人要ar???

(女)
我覺得clive講得好岩..
其實你都要比d空間佢咖~
男人本性就係咁..
你又何必迫佢唔好"目及"女呢~?
何況佢只係"目及"女,,收埋D女仔相姐~
又唔係收埋第二個女人叫雞~
所以問題唔大~
只係你比多d空間佢~咁佢冇乜問題咖啦~
如果你真係勁勁勁唔鍾意佢"目及"女,,
你咪係街到同佢講.."喔!"目及"女又唔"目及"我~?"
用講笑既語氣同佢講~(不過唔好講得太多~可能佢會覺得好煩)
咁就真係冇問題咖啦~3~"

我係女.

比著係我, 我都會同你一樣. 男朋友係街到望女仔, 收藏其他女性朋友的相片, 自己一定唔開心啦.
不過, 佢望完女仔之後, 米又係望返你. 佢既視線雖然有停留過其他女仔到, 但係最尾, 佢都係望下姐. 佢最常望既女仔米又係你一個. 有時呢d野, 都好正常, 要包容下佢. 佢係一個正常既男仔, 出街望下女仔唔算係咩大錯. 你就原諒佢啦!

至於佢收藏其他女性朋友的相片, 咁既話就真係令人有d不滿. 仲要係比你無意中發現先hurt. 佢覺得佢咁做正常, 都係因為佢d 朋友, 你又唔好怪佢. 雖然佢有d錯, 但係你就當佢收藏d 女明星相lo~有時唔可以管咁多, 如果唔係, 男方會覺得你煩, 唔比私人空間佢.

其實, 你男朋友真係唔錯, "周年紀念, 生日, 特別節日, 佢都會好好咁安排, 生日又會整蛋糕我食", 你都咁講啦, 佢為你安排咁多野, 你應該都覺得好sweet! 其實佢咁愛你, 你米體諒下佢lo~

衣家好多男仔都係咁, 鍾意做d咁既野, 有時仲會比較人地女朋友同自己女朋友. 雖然咁樣真係唔米咁好, 但係有時, d女仔都會比較下自己男友啦~

其實你問得呢個問題, 我覺得你係愛你男朋友, 只不過你唔係好滿意佢, 所以唔知仲會唔會一齊.
我覺得你地應該一齊, 你比個機會佢, 同佢講下就算做呢d野, 都唔好係你面前. 唔好再對佢咁冷淡啦!!

希望你係愛情路上開開心心^^