我係一個追求"真愛"既人, 但似乎呢個年代已經絕跡.
我跟男朋友四年, 中間發生過好多不愉快事情, 主要係因為男方會在電腦收藏其他女性朋友的相片, 係街到望女仔(仲要係我面前)...一切令我覺得呢個人心入面到底係咪得我一個? 發生以上事情, 佢話我知係正常既, 因為佢D朋友都會咁做, 仲話係我小氣!
如果沒有發生以上事情, 一般同佢相處都可以, 甚麼周年紀念, 生日, 特別節日, 佢都會好好咁安排, 生日又會整蛋糕我食...
最後我心淡了, 所以對佢已經唔再緊張, 唔想太投入又讓自己太著緊, 但佢又話我咁樣對佢唔work, 佢又feel唔到我愛佢, 所以大家都好堅持, 我堅持一路都唔會再好似以前咁對佢, 佢又堅持如果我唔係好似以前咁對佢的話就唔好一齊.
而家我地都係冷靜期, 好好咁諗下到底應唔應該再繼續...
已經冷靜左4-5日, 但我都仲未諗得通, 因為我唔想自己選擇錯.
我好想知道, 係我自己小氣定係呢個年代已經無得期望身邊的人太多? 係咪所有男人都係咁? 永遠唔滿足身邊已經有一個, 仲要去留下其他的?
有時候佢又鐘意比較, 又講佢D朋友既女朋友幾fit, 對腳幾長...我都唔知係我有問題定係佢???
大家比D議建, 謝謝!
更新1:
D女仔相係我自己發現的，唔係佢自己同我講架．
更新2:
回覆 laukawan65 我真係唔會係街到望男仔, 因為我唔覺得有需要去望. 我亦都好少去比較, 因為每個人都係個體, 又何必去比較呢! 但為何D人咁鐘意去比較呢?