我想問下vw golf mkIV既性能如何?

相比起 Mk V, Mk IV 嘅性能當然差好遠. 但當年嚟講都算係一架好好嘅 Hot Hatch, 比起 Mk III 嚟講有好大嘅進步.
我唔係好清楚澳洲當地嘅 market, 但因為 GTI 嘅零件同好多 VW Group 其下嘅車都可以共用 (Golf, Jetta/Bora, Audi A3, A4等), 而且呢D車嘅銷情都唔錯, 所以如果有咩壞要揾原廠零件絕對唔係問題. 加上 GTI 副 1.8T 引擎非常好改, aftermarket 嘅改裝零件都有大量供應.
你嘅耐用係指 Durability 定 Reliability? 九十年代尾嘅歐洲車喺電子零件上同日本車始終有一段距離, 所以喺 reliable上 IS200會佔優. 但 如果講 durability, 就始終歐洲車較耐用. 即係話, 一架車可以用十幾年, 乜嘢小問題都冇, 但突然一日就開極都開唔到車, 整仲貴過當時架車嘅 resale. 但有D車間唔中有D少毛病, 好似隻窗開唔到關唔到咁, 但唔影響駕駛, 架車可以揸五六十萬咪都冇問題.
維修保養其實差不多, 大家都咁多年車, 開始甩甩漏漏實有. GTI 有 Turbo, 要用全合成偈油; IS200有六個缸, 即係火咀都要多兩支.
比我選擇, 我要 GTI.

多謝晒,解釋得好詳盡