兩個你會簡邊個?

我同第1bf感情本來ok,但成日吵架,而且佢屋企管得佢好嚴,少傾電+少出街,半年都係3/4次左右.次次去親都係佢屋企.其實我都好不滿,因為我中意人地陪我,但佢就成日陪唔到我.後來出現第2個,一開始係佢拖我手,但佢唔知我有bf,係後來先知. 但我就唔知點拒絕佢,所以變左一拖二.但第2果個成日陪我,我好開心.

有次我媽知道左我一拖二,我唔敢返屋企,於是我同第1果個講左一拖二既事,佢冇嬲冇罵,果時我仲好中意佢,所以簡左佢,飛左第2.

我同第1果個次次吵架,佢都會懷疑係第2果個,但我想講唔係囉,一次比一次淡.

我同第2果個唔知幾時咁一齊返,有次因為覺得第2冇安全感,所以同佢講話簡第1,佢竟然接受左,我好辛苦,諗住封佢,放棄佢果陣,佢又係blog果度打--唔好封我-- 其實果陣我已經中意第2多過第1.

2/3日後,第1果個係我手機sms睇到我同佢有sms來往,佢嬲,但我仲講大話厄佢我同第2只係朋友.

我媽都知我地因為咁又吵架, 所以我要諗清楚簡邊個先返屋企,果時我好想知第2果個點諗,我想知其實佢仲有幾愛我,如果果時佢好似以為咁,我會簡佢,但佢唔係,我問佢諗咩,想點,咩都話唔知,我問佢仲中唔中意,佢話中意,之前我唔開心,佢會哄我,幫我解決問題,但e家唔係,反而變左拖累左我既人,因為問題係佢度,佢又答唔到問題,咁我點?
本來我諗住既然係咁,我簡第1,之後佢唔傾得,都叫我快快返屋企同媽講話簡第1.. 第1要求我唔再搵第2,朋友都唔得,到我簡佢果陣,佢又話太遲..我以為兩個都冇, 但返到屋企之後,我同第2又冇事.. 佢話佢會變返好似以前咁. 之後我就諗住同第2一齊.
點知第1果個之後又話想同返我一齊,我比佢3日諗清楚先.佢第2日就話,我同佢一齊,搞到冇晒朋友,我唔開心,佢會內疚.. 又分,,但我知道我同第2果個冇可能會長久,好快會散,所以我講左我有次好需要人地係我身邊果陣,第2果個冇係我身邊,我同佢即使一齊都唔會長久.之後第3日第1果個就話唔放心我交比第2,所以想自己要返我,而佢都開始信我同忘記以前我同第2一齊既所有野,當冇發生過,當我地係岩岩識既朋友,我可以同佢+佢d fd出街玩,咁一黎又可以一齊,咁我又可以有朋友, 事實我真係冇乜朋友, 同第2果個果d朋友玩我都係幾開心.
e家又變左一拖二,講大話好辛苦,本來1個唔識講大話既人變成咁,我唔想再咁落去..

其實我係想同完第2果個一齊之後先同第1果個一齊,因為咁我先唔會後悔. 但我知道呢個世界冇咁完美... 第1個係好老公,第2個係好情人, 咁形容係最貼切. 如果時間調返轉, 可能我會開心得多.. 我知我好自私,但女人唔係應該為自己既幸福自私嗎? but呢句都係聽人講.. 可能都會借口..

我應唔應該同返第1果個講清楚好?
如果講清楚,咁清楚既時間,我應該簡邊個好?
簡呢樣野,,我已經煩左好內..
我唔想聽d冇說服力既野,, d人只係識得話2個都唔好要,我都諗過,但我知道咁樣反而3個都會唔開心.. 只係逃避既方法而已..
其實都係15歲,,但我唔想有人話15歲,唔好拍拖果d,呢d罷明係癈話,你同d十幾歲講,有人會聽咩? 所以都係入正題好= = 最好有說服力..長係長左d,,不過都希望有人會用心睇用心答................唔該..