近鐵路線圖一問~20點!!!!日本自由行達人請入!!!

首先，特急係只停紅色的站，急行係紅色加橙色，準急再加埋綠色，普通就各站都停。

你要搞清楚你問嘅係近鐵，唔係其他鐵路。

不如就答你最想知嘅問题啦，由大阪去京都最方便其實係搭JR，京都去名古屋最方便其實係搭新幹線，不過幾貴。如果想用盡近鐵for旅客的5日pass(真係好抵)，就要搭難波線由大阪難波站出發，在大和西大寺轉京都線去京都。想由京都去名古屋，就先搭京都線去到大和西大寺轉橿原線去大和八木站轉大阪線去伊勢中川再轉名古屋線去近鐵名古屋站。名古屋去大阪咪調轉頭囉，由近鐵名古屋站去伊勢中川再轉大阪線直去大阪上本町轉難波線去大阪難波站。

不過時間方面就用多咗好多啦。轉線時記得留意方向，搭咗反方向車就重嘥時間。(比你參巧吓，由名古屋去伊勢要1小詩，由伊勢去京都要2小時左右。)

我自已都係搭近鐵，但我各地方都住一晚週圍hea，所以唔覺耐。

你係咪呢張地圖？
http://www.kintetsu.co.jp/railway/rosen/A50001.html

希望幫到你