裝修新屋油漆的使用程序

其實油油唔難, 最難就是批灰, 你可以考慮唔批灰, 只執補一些裂痕等之後用砂紙打磨平滑就可以油油啦.
如牆已很光滑, 只是有一些剝落及裂紋, 應該已經做好防潮底及批灰等, 基本上只要執補剝落及裂紋, 如牆身出現裂痕, 就要用牆之寶填平及打磨平滑, 再油上面油便可.
之於鏟底與唔鏟底的分別是灰與牆壁之間的接著力問題, 如緊接著就無須鏟底啦!
轉牆身色, 做法很簡單, 如之前的牆身是很深色的話, 就先油1次白色乳膠漆, 再油面油便可. 如之前的牆身不是很深色的話, 就直接油上面油2 - 3次便可.
無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 剷底
2. 油防潮底漆
3. 批灰
4. 打磨平滑及淸理乾淨
5. 油啞白底漆一次
6. 油上面油便可
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.

搓灰程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充.

新屋全屋自己扇灰同油油,新屋扇灰建意比師夫造好D....油漆係就可以自己油。

1.)無毒水性底油/防潮光油 (AURO natural paint No.301)塗上牆壁 1-2層待乾

2.)約3-5小時待表面乾燥後便可以開始進行面漆的塗装了.可使用現行市面上比較流行的 歐盟安全標準的健康油漆.(歐盟安全標準的健康油漆一般都公開油漆的製造成分内容,顧客一看便知到是無毒無害健康環保! VOC含有量更是底至 零 !!)
自己公司用開 ( AURO , FUJIWARA珪藻土油漆 同 F&B 3隻牌子的天然油漆.好處係可以自己DIY...)

3.)自己DIY建意用油轆油,可以簡単D同快D...
先用細油轆油邊,之後用大油轆油余下的空白地方,我建意大家使用AURO天然油漆的原因,係他門的門市店舗放有教大家如何DIY油漆的資料手册,看完有了初歩了解之後便可以根著施工,非常方便!

4.)面漆一般油 2-3層便可,無需太多

本人入行多年,都建意大家不要再使用 含有毒成分的石油製造的乳膠漆!!! 即使係水性乳膠漆都好,一様係含有毒!!!) 不是幇人家造廣告,是以事論事. 最近事件才在電視新聞上暴光才被留意!