我想問中五會考之後既所有出路

中六: 升中六我覺得文科商科最低要10分, 理科最低要12-13分. 上得中六你要預好比心機讀書, 因為高考課程不但比會考難好多, 而且時間好緊迫, 一年半要教晒書, 所以老師教書速度會好快, 測驗亦會係密集式. 如果你會考低分(尤其理科及商科), 而又有學校收你讀中六, 暑假趁得閒就好睇番熟會考內容, 因為有部分科仲會用返會考學過知識, 尤其會計科係差唔多用晒, 而且佔高考都唔少. 就算會考高分都唔好太過自滿, 以為自己一定可以升到大學, 每年都有學生會考廿幾分, 但高考一科C都無, 理科較為多.
重讀: 考評局以前年年話好少重考生可以考到14分以上, 先諗下自己會考點解考得咁差, 之後先諗點做. 重讀切忌抱住以為自己乜都識、懶散、心散等不良心態, 真係要迫自己比心機讀書. 再者下年係最後一年會考, 就算2011年有得補考, 銜接方面未必會好順利. 重讀普遍最少要8-12分, 個別學校會低d分. 私校重讀都得, 不過好多都係見錢眼開.
展翅或毅進: 呢兩樣多數係會考得0-3分學生先會選擇, 讀完之後可以讀副學士先修或者高級文憑或者就業. 雖然政府話毅進等於會考5科合格, 但私人機構未必承認毅進學歷.
高級文憑: 如果對傳統教育無興趣, 以及會考成績唔係太好(最少五科合格, 大約6-12分), 可以報讀高級文憑課程. 高級文憑課程以實用為主.
副學士先修: 同樣要求五科合格, 但一定要小心選擇學校, 因為副學士質素實在參差不齊, 而且唔好只係睇廣告就去讀, 因為廣告一定只係講好野. 雖然副學士課程設計以學術為主, 但係整體升大學情況唔係好理想, 而且同高級文憑一樣都係好貴學費.

我本身今年都要CE..
但因為我上年F4成績唔好,
所以我去左大陸一間加拿大學校讀..
你不如去我學校讀一年GRADE 12,
之後你就可以畢業..
係我間學校畢業之後,
你會有OSSD(加拿大高中畢業證書)
到時你可以報讀全世界既大學
我學校叫做BOREN SINO-CANADIAN SCHOOL..
有問題可以直接ADD我MSN/SEND EMAIL同我傾..
[email protected]

講真, 其實你自己已經答左, 我都無咩好講, 只想講既係, 準備放榜係一件大事

2009-07-19 10:50:54 補充：
咪聽呢兩個人講, 你去學友社問問就會知點準備

要記住, 每個人都有佢自己既路, 學友社既刊物有既係資料, 你要因應個人須要去安排自己既出路

希望幫到你^^