我的倉鼠可以玩D咩玩具？

A.唔好俾鞋帶俾鼠鼠玩,易俾鼠鼠咬爛整到D線纏住鼠鼠既腳,纏住就好難整得甩
B.俾廁紙筒俾鼠鼠玩冇咩問題,鼠鼠唔會食紙,但要留意所用既廁所筒當然要比鼠鼠大,唔好太勉強先入到去,唔係卡住左就麻煩啦,同時記得留意因為鼠鼠好易會令紙污糟,所以好快要更換,唔係既話好易滋生大量細菌,令鼠鼠有皮膚病,肚瀉等問題,自製玩具要好小心同細心處理先得

C.波波球之類(有d係成架車,車上有個球,類似既玩具),又或係球體放入籠內既轉輪,呢d都算係危險既玩具,因為通風做得比較差,而且鼠鼠被困入面,會令鼠鼠感到壓力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既
壓力就咁睇可能會好抽象,未必咁易睇得出,但對鼠鼠唻講,壓力係有機會誘發甩毛肚瀉,甚至濕尾症等疾病(因生理代謝同心跳快),所以一定要盡力令鼠鼠少d壓力
呢個玩具我覺得係俾人玩而唔係俾鼠玩,好多人都怕放鼠出唻難控制,放隻鼠入去就咩都唔洗理好似好好玩咁,但同鼠鼠玩安全係好緊要,努力D令鼠鼠可以就咁放出唻唔係更好嗎?放鼠出籠要留意既事及方法可參考:
http://hk.knowledge.yahoo.com/question?qid=7008031400344

D.隻隻鼠鍾意玩既玩具都未必一樣,只係轉輪係可以話隻隻鼠都玩的
除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩,木製玩具可以俾鼠鼠磨牙同磨爪,又易清理,又耐用,所以係唔錯既選擇
又有木制既食物盆,要鼠鼠自己開個蓋先食到野既
我自己就會買一排木,可以屈曲,整成橋狀咁放入籠(都有唔可以屈既木橘),一來可以俾鼠鼠咬,二來我既鼠大多喜歡在橋上橋下行唻行去

揀玩具OR籠最緊要留意安全,始終係俾鼠鼠玩,一定要為鼠鼠諗清楚先,揀既時候有幾點要留意:
1)唔會有物品整親鼠鼠,例如唔會有野尖左出唻之類
2)如果係買野俾熊仔鼠,一定要留意返物品既大小,熊仔鼠既體形較大,大約可以去到15-18cm長,所以最好唔好買一d要捐入去玩既玩具,唔係好易好快玩唔到,又或入左出唔返,咁就慘了
3)玩具,轉輪,地板唔會有隙,唔係都好易卡住鼠鼠既腳
4)轉輪都唔好係球體咁,球體既玩具同轉輪都係危險玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既