10點!!點做先好,各位入黎幫下我: (

我的意見係......

*其實面對1個咁忙既男朋友,點先算係1個好女朋友?
都係多d體諒佢同關心佢, 你大概都會知道佢的工作時間吧, 响佢冇咁繁忙的時候, send sms比佢, 打d好窩心的說話, 或關心的說話, 比佢知道佢辛苦的時候, 都仲有個女朋友好關心佢...., 每晚打比佢, 同佢分享佢工作了一整天的煩惱(其實意思都係關心佢, 不過要在你男友唔覺煩的情況下), 同埋佢咁忙, 又要陪屋企人, 做好女友就要忍耐下, 唔好太多無理要求~

*當我想佢陪我多d果陣,我應該點做?
其實上班族的時間都係固定的, 都係得星期六或日, 你男友可能會有時間, 你可以早點計劃想去邊, 再同你男友商量, 我唔知道你男友會唔會忙到星期一至五都要OT到好夜, 若果唔洗, 一個星期食一兩次dinner應該唔過份卦, 佢可以陪佢屋企人時, 又可以陪到你, 又或者, 你或佢唔介意的話, 有些活動可以同佢屋企人一齊, 如 : 飲茶, BBQ....


**最后,我想問, 點可以令自己對段感情多d信心?
其實你點解會問呢個問題呢?? 你想做好女友, 即代表你好愛你男友, 想知道佢咁辛苦工作, 你可以為佢做D咩...?! 咁既然你愛佢, 自然會對呢段感情認真同有信心, 除非你男友做左D野令你的信心動搖啫, 如果冇, 你亦知道你男友好愛你的話, 其實.....好自然地, 大家都會對呢段感情有信心~


P.S. : 其實我有另一個意見比你, 既然你仲讀梗書, 而你男友又咁忙, 你不如放多D時間响你的學業方面仲好啦, 返學都需要好多時間在功課或溫習上, 我覺得......將你男友陪唔到你的時間, 用在學業上, 會更加實際, 同埋你會冇咁多空餘時間去諗佢陪唔陪到你....

佢咁忙, 你又愛佢的話, 能夠見面時, 就應該係大家都玩得開心, 才會有好的回憶, 成日搞到嘈交或發脾氣收場...., 久而久之, 感情就好難維持長久.......

我覺得:

其實面對1個咁忙既男朋友,點先算係1個好女朋友?:
如果你好愛你男朋友,就應該體諒佢,佢工作咁忙佢都好辛苦, 你可以喺佢放工好攰嗰陣比杯茶佢,問吓佢工作點呀,關心吓佢嘅近況,問候吓佢咁。咁樣佢應該可以感受到你嘅關心。

當我想佢陪我多d果陣,我應該點做?
你可以直接問佢,但態度要好D,例如:「XX(你男友名),我知你工作好辛苦,但你都應該要間唔中休息吓,不如我地星期六去睇劇吖!」咁咪可以囉~

最后,我想問, 點可以令自己對段感情多d信心?
你知道你好愛你男朋友,又知道你男朋友好愛你,咁已經夠啦。但如果你發現你男朋友比唔倒安全感你,又或者同佢一齊你唔開心嘅,咁我就建議你分手囉~~

希望解答到你嘅問題啦~!

其實你有個咁忙嘅男朋友，你可以喺佢有空檔嘅時候關心下佢或者幫佢按摩下咁…

如果你想佢陪你多D嘅時候，你可能可以嗲下佢，不過呢個方法要睇下你個男朋友受唔受呢套先可以試下。

至於最後嗰個問題…好抱歉…我答唔到…