熊仔鼠有感冒 最終係咪一定死?

A.動物都會有自癒能力,好難話佢自己會唔會好得返,只係感冒對鼠鼠唻講係嚴重疾病,要冒既風險比較大;睇一次醫生$500應該都OK,如果去到要化驗D咩OR照D咩就會唔止,去睇既時候你係可以決定做唔做呢D野,不過要覆診既話$500就唔得了,只係去睇下係咪感冒都係好事鼠鼠係夜行動物,主要活動時間都在半夜,如果你既作息時間同佢唔同,就好易會見到鼠鼠成日訓,而太凍or太熱都會訓得多d,郁動少d,所以鼠鼠成日訓較難判斷有冇問題,但要多加留意會唔會太熱,又或開冷氣太大,對正風口or溫差太大,都會令鼠鼠覺得凍,熱天要留意既事可參考:
http://hk.knowledge.yahoo.com/question?qid=7009031601855
市面冇藥物幫到鼠鼠,如果你問鼠店,可能就會叫你買D零食俾鼠鼠;唔建議買維他命俾鼠鼠用,服用過多維他命係會對身體有害,實在好難了解到鼠鼠欠缺咩維他命,非醫生建議最好就唔好亂飲,早前亦有知識＋既網友試過兩隻唔同籠既鼠,都飲左維他命雜後,同時出現流鼻血既問題

B.睇醫生同時or唔睇得既話,可以做下既事幫下鼠鼠:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)將所有鼠籠盡可能分開d,物品唔好共用,唔好一齊洗,掂完一隻鼠之後一定要洗乾淨手再掂第隻
3)密切留意鼠鼠會唔會冇咩力既情況,如果出現冇咩力就係開始好嚴重
4)保持周圍既環境衛生
5)如果鼠鼠有身凍既問題,就唔好俾風直接吹到鼠鼠,要鼠鼠保持溫暖;鼠鼠太熱開冷氣亦唔好直吹佢,溫差唔好太大
6)俾一d有營養既野佢食.可以試下俾d麥片or白麵包佢
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
8)除檢查及治療之外唔好攪鼠鼠,鼠鼠生病,會對外界更加驚,而且需要多D休息
9)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

2009-07-16 23:21:51 補充：
唔了解你既屋企環境,但最好唔好開太大冷氣,等鼠鼠溫差唔大,如果成日要搬鼠籠位置,會令鼠鼠不安,鼠鼠感到壓力就易令病情惡化
而你用既屋仔係咩屋呢?有散熱板既屋,易令鼠鼠受傷既屋都較易令鼠鼠唔想入屋仔,仔細檢查清楚屋仔有冇問題,冇問題既話可以試下放D食物入去,睇下鼠鼠入下去會唔會感覺好D

2009-07-16 23:22:02 補充：
唔了解你既屋企環境,但最好唔好開太大冷氣,等鼠鼠溫差唔大,如果成日要搬鼠籠位置,會令鼠鼠不安,鼠鼠感到壓力就易令病情惡化
而你用既屋仔係咩屋呢?有散熱板既屋,易令鼠鼠受傷既屋都較易令鼠鼠唔想入屋仔,仔細檢查清楚屋仔有冇問題,冇問題既話可以試下放D食物入去,睇下鼠鼠入下去會唔會感覺好D

2009-07-19 00:20:14 補充：
今日先見到有第2,3個意見,知識＋最近好怪...

咁屋仔即係咩質地呢?
成日訓覺要了解返夜晚會唔會其實有郁動但你訓左唔知,而家天氣熱,鼠鼠又會少D活動,多加留意鼠鼠既身體狀況同溫度問題吧,鼻已經冇濕係好事,但唔好因而觀察少左呢

2009-07-20 04:24:58 補充：
如果有部份係陶瓷既屋仔鼠鼠有機會咬爛而整傷鼠鼠

鼠鼠未同你熟係會成日呢埋,加上你話佢繼續訓既時候你攪醒佢,會令鼠鼠受驚,咁就更易會呢埋,除檢查身體外,最好唔好攪佢住,如你所講佢都只係返到唻一星期左右,未習慣人同環境都係好正常既事,加上佢又有d唔舒服,咁就更怕人

未習慣既時候,行為未咁快定落唻,驚又點會去玩咁多呢?最緊要留意返佢既身體,有飲有食,散熱保暖又做得足夠就ok了

而鼠鼠趺落下層繼續訓並唔出奇,我既鼠有時都會咁,下次可以試下唔係攪醒佢,係叫下佢,用野食引下,嘈醒佢比攪醒佢好得多

2009-07-20 04:26:34 補充：
問題就快到期,如果再有補充,希望你可延長發問,因為問題唔係在'發問中'我未必記得再睇返有冇野要跟進,謝謝

2009-07-20 22:19:06 補充：
唔好客氣
可能鼠鼠在鼠店時已經唔舒服都唔出奇,如之前講既咁,鼠店既說話真係唔可以輕易相信,所以鼠鼠有咩問題,問鼠店其實真係好危險
而家鼠鼠正常D就好了,小心唔好太急住同鼠鼠熟,嚇親都會令鼠鼠唔舒服

2009-07-22 01:14:02 補充：
粒狀墊材都係易令鼠鼠腳部受傷,並唔建議使用,之前已經回答過,唔多解釋了(http://hk.knowledge.yahoo.com/question/question?qid=7009070500213)
而類似棉花咁既墊材,你係咪講百幾蚊包既纖維紙屑?又貴又唔好用,鼠鼠會拎唻食,又多粉較易令鼠鼠過敏,仲好臭,加上天氣熱,會令鼠鼠更熱,易中暑

如果鼠鼠真係對木糠過敏,如之前講既咁,可用廚房用既紙整碎俾鼠鼠用,亦要留意鼠鼠去到冇木糠既地方就冇打乞嚏係咪真係因為冇木糠,因為你話冇木糠既地方係一個箱仔咁,鼠鼠會唔會清醒時停留得冇咁耐而少打乞嚏?

2009-07-23 00:52:51 補充：
放鼠鼠去第個地方,鼠鼠正常都係會周圍行周圍走,因為佢要了解返該地方係咩情況,就算同鼠鼠熟左,拎鼠鼠去沖涼,鼠鼠已經試過沖好多次,鼠鼠都仲會係周圍行唻行去,咁係好正常及常見既
同時要留意,拎鼠鼠去第度觀察,並唔係一陣就可以判斷得到,始終在籠接觸木糠既時間係好長,而鼠鼠平日唔係話不斷打乞嚏,根本就判斷唔到放去第度既時候係咪真係舒服d
例如:放佢出唻睇一個鐘都冇打乞嚏,但在籠既時候,平均計返一個鐘又未必會打到一次,咁就已經表示難以用拎出唻一陣or在籠上格係咪會好d了

2009-07-23 00:52:58 補充：
當鼠鼠真係有過敏時,用紙係較安全既做法,可以用較多既紙同時用埋鼠廁所,就會冇咁臭,唔試下完整地脫離木糠,實在難以証實木糠有冇問題;而粒狀墊材有機會令鼠鼠骨折or唔敢出唻活動,咁就可能會衍生第個問題,骨折亦可致命

2009-07-23 23:47:03 補充：
如果係過敏,係冇痊癒呢個問題,過敏係要避免過敏源,真係對木糠過敏就唔應該再用
而過敏既話並唔容易醫治及check到係咩問題,人有過敏都唔易搵出所有過敏既物品,鼠就更加;如果係傷風感冒之類就應該易d檢查得出,但亦有d過敏會被誤以為係感冒既
不過睇醫生始終會放心d

2009-07-24 16:47:36 補充：
唔洗客氣
dr. tiger醫鼠係十分出名既,只係難book d

2009-07-25 02:15:30 補充：
要留意會唔會係食物or墊材變質,家居亦要保持衛生,詳細要留意既事及較鼠用廁所可參考:
http://hk.knowledge.yahoo.com/question?qid=7009072201812
你係懷疑鼠鼠對木糠過敏,同廁所沙並冇關係,所以廁所沙係唔洗換成廚房紙巾

另問題差不多到期,而再有'意見"既話知識＋唔會有通知俾我,所以非'發問中'既'意見多數我多數都唔會記得去睇返,如果再有補充,煩請再發問,謝謝

間屋企 係一個車型既屋企仔 係普通果隻

我而家覺得 佢有病 可能係溫差問題-.-

事關我買佢返去果日 係商場 出去等巴士 由有冷氣去冇冷氣

返到屋企又開返冷氣-.-

2009-07-16 23:40:04 補充：
咁佢成日訓覺係咪代表佢病得好嚴重

但係佢又幾精靈 係比較怕人同鐘意訓覺 又唔多覺佢個鼻濕

2009-07-19 00:28:20 補充：
我照左你既方法 放 d 食物係屋仔入面引佢
果然有效 !! thx 間屋企應該係膠 但係又有小小似瓦質

佢夜晚都好小玩個轉輪 佢一起身就係食野 佢郁動既目的就係搵野食-.-

我有時打機都會打到深夜 但係佢都係會訓覺
或者 喱埋 係個屋仔入面 或者 條隧道

會唔會係佢太驚 所以唔想露面 因為佢成日 食緊野 一望到我入房就會喱返去個隧道 畢竟買左佢 只有 1 星期到

但係佢真係唔係幾鐘意玩轉轉輪 其實咁正唔正常

2009-07-19 00:31:23 補充：
佢有時訓到 係飲水果層 鐘下鐘下 跌左落去下面果層
(兩層隔 4 cm 到 有厚厚既木糠墊住)

都仲係度繼續訓-,- 咁我攪下佢先醒

但係放佢出黎玩又好生猛

2009-07-20 14:49:10 補充：
我琴日去返買佢果間 龍貓村度 買 d 野
我走果陣望下 我隻鼠鼠未賣出既兄弟
我發覺有隻 同我隻鼠仔既情況一樣 又係個鼻冇濕 但係會打"c益"
( 我好近距離睇 )

我懷疑佢果批 d 鼠鼠 大部份都有呢個徵狀 =.=

佢而家肯入屋同玩轉轉輪 不過我一入房 佢即刻 係個轉輪跳落黎-,-
睇黎佢係因為好細膽 先成日訓覺=,=

不過 都唔該晒你先 ~ thx

2009-07-20 22:52:30 補充：
我想問 用紙粒 會唔會對佢 打乞痴果度有冇幫助
我見佢係冇木糠既地方 就冇打乞痴

係有既地方( 籠入面 ) 就打得多 d 同冇咁精神

我個籠 係 上格有個箱仔 果度我冇放木糠 我放佢上去 佢好似冇打乞痴 同埋 精靈好多 會周圍郁

2009-07-20 22:55:46 補充：
我見有隻 叫紙粒既 墊料 都係 for 鼠類用

個樣類似棉花咁 我係 d 討論區見到有網友話都係用呢種墊材
佢就話冇塵的

2009-07-22 02:12:31 補充：
我放佢係果個箱左 都放左一陣 觀察左陣係比係籠內 ( 有木糠 )

打小左乞痴 會唔會係 佢係一個新地方 較好奇 所以對比係籠就精靈 d?

紙我 用過 但係 唔使十分鐘 就好臭-.- 隻鼠鼠仲 訓係 d 尿上面

2009-07-23 01:04:54 補充：
假設 完全脫離木糠 痊癒之後可唔可以再用返木糠?

我打算帶佢去睇下獸醫 因為佢係個籠入面真係呆得唔係咁正常

夜晚 11 點 12點 都係訓緊覺

我另外果隻 都成 5個幾月大 到夜晚好活躍

我而家有問題呢隻鼠仔 係掂下佢都好呆 會唔會係有病至係咁

但係真係觀察左好耐都唔見佢有鼻水 如果帶佢去 睇 會唔會 check 唔到係咩病

2009-07-24 01:07:24 補充：
ok 唔該晒你先

如果去睇 book dr. tiger 會唔會對鼠鼠 有認識 d
我見 d 網友都話 book 呢個

上次睇我隻鼠女果個獸醫 連熊仔鼠個學名都唔清楚 =.=

2009-07-24 17:04:50 補充：
丫 順帶一問 最近天氣熱 好多 一隻隻 穀牛 飛黎飛去

有時仲出現係 鼠籠入面 無處不在 會唔會對鼠鼠有影響?

同埋 用鼠廁 所 咁個廁所入面既墊材 係咪都係用廚紙?
同埋點樣可以教佢去廁所? thx

熊仔鼠有感冒 最終係咪一定死? 係，最終係一定死。

因為生老病死是所有生物必經的！