同家人關係唔係咁好, 因為發生左好多事情, 所以好難會有彎轉....而家雖然同一間屋, 但係各自返房or 我永遠都唔會出廳, 好少野講, 甚至係『零』講野, 因為唔想講, 講又會吵...吵到好累好辛苦, 同埋我在這個家根本都唔開心既, 好想走, 好想有自己的世界和空間
自己二十三歲, 做文職工作, 收入都只係8千左右, 計過條數感覺得做人真係辛苦...因為家人唔俾$$我讀書進修, 又唔會俾$$我作首期....又唔可以靠男朋友幫, 佢又唔會點幫到我, 佢話叫我自己搞惦....
有兩個方案, 只要而家揀其中一個, 就要行一世啦, 冇得再話由頭再諗過再揀第二條路
plan A: 買100萬左右既樓, 男朋友幫我借多3, 4 萬首期...加埋自己既身家, 都應該可以俾到首期, 做30年95%接歇...
呢個plan A 就要供30年, 話就話自己有自己既物業, 有自己既屋企, 但係計過每個月支出岩岩好, 真係『只可以死,唔可以病』!!就真係冇多餘既$$去旅行, 進修......
plan B: 出去租樓, 但表面上係幫人供樓, 唔係屬於自己既物業, 但係就自由好多, 彈性好多, 因為住住下唔中意可以搬走, 有咩壞就可以找業主整返好, 免了差向同管理費既支出.....亦都可能沒有多餘既$$去旅行, 進修......
究竟租屋好, 定係買好？租就俾人呻笨幫人供樓, 但係買, 就係咩都係費用咩都係錢......
呢兩個plan 都係要一個人去實行, 唔好話叫其他人一齊夾, 因為冇人幫我, 亦都冇人同我分擔, 我真係唔知揀邊條路行好...
我唔想留在這個家, 同自己唔中意既人同一間屋, 因為好唔開心,每次都recall me 一d好唔開心既事, 呢一點唔係話返埋自己間房唔出房門就冇事....
其實做人都係為左開開心心去做人, 每日都在一個唔開心既地方, 雖然係閉上眼就訓, 唔會有太多時間, 但係個心係唔開心係唔舒服, 咁做人又點會開心呢......
買樓定係租樓好
2009-07-15 10:47 pm
回答 (7)
2009-07-15 11:24 pm
✔ 最佳答案
租樓啦, 其實唔係笨幫人供樓, 如果你已經有首期, 而且每月有小小錢旁下身, 一定係買樓, 而家你事業剛起步, 人工太低, 如果你買樓之後, 有時想買下野, 或者偶而食餐好的都可能負責唔到呢, 咁做人好難有開心可言呀你可以試下租的套房先, 百幾尺, 一個人住都ok
另外, 點解你要expect屋企人要俾錢你呢做呢樣那樣呢, 冇錯, 某些人屋企會俾好多錢佢, 但唔係必然的, 雖然你都可以話如果唔想理你, 點解要咁不負責人生你出黎個D, 但係, 我地已經係呢個世上, 人生短暫, 唔好再浪費時間去唸的冇可能改變既事實了, 不如你好好享受你的人生吧
講真, 如果你係屋企住左咁多年, 不如你就當同唔識既人同任一間屋, 繼續住係自己屋企, 你自己都知去租樓同人供樓好笨, 以你現在的經濟狀況, 租套房其實一個女仔唔安全, 而且你有男友的, 說不定佢都會上去你的套房瞓下, 你估計佢會唔會同你分担下的租或水電煤個的呢?
而家你屋企人有冇趕你走? 如果冇咪繼續住住先啦, 又會多好多錢洗, 鍾意又可以去下旅行, 不知幾開心呢
記住, 唔好成日唸人地對自己唔好, 點點點, 唸下你自己點對人, 或者唔好太介意別人點, 盡量令自己開心的啦, 唔好俾其他人影響自己的心情啦
2009-07-18 12:33 am
住住先啦,同父母住多幾年,草到既錢多過搬出去好多
2009-07-17 6:20 am
2009-07-15 11:18 pm
其實本人亦都經歷過你這種境況，起初本人都係同家人嘈架，之後搬出來住，但有一樣同你不一樣的，就係我沒有你咁多儲蓄。所以我最初只係搬出去租地方住，喺長沙灣區，租一間套房，每月大約要$4500左右。如果你想地方大d，你可以租屯門或天水圍區，嗰度d租金平好多，大約都係$4000 -$5000就有成間屋俾你住。一樣免差餉地租、管理費。我仲試過搬去天水圍嘉湖山莊度住添，但環境一搬，我建議你可以揀的話，就真係唔好揀嘉湖，雖然平，就質素差。
當你住咗2年或再多d，你和男朋友都儲多少少錢，咁先買層樓啦。因為你話要做95%按揭，其實唔係一定批到，因為銀行只提供70%按揭，之後25%係因按揭保險公司負責，佢哋會check得比較緊，你哋一定要有穏定職業及按揭供款額唔可以超過你入息的6成。當然你可以搵你男朋友同你聯名，咁就會將你哋兩日入息加麻，咁通常都唔會過6成的。所以以我個人經驗，你首期度，起碼有樓價既一成，你先好去買樓，而且買樓前，你哋份工一定要起碼做多過一年以上，咁批核尾嗰2成按揭既機會都大d。
唔好唔開心啦，凡劓總有出路，慢慢來，儲到錢就可以有自己既樓的。希望幫到你啦。
當你住咗2年或再多d，你和男朋友都儲多少少錢，咁先買層樓啦。因為你話要做95%按揭，其實唔係一定批到，因為銀行只提供70%按揭，之後25%係因按揭保險公司負責，佢哋會check得比較緊，你哋一定要有穏定職業及按揭供款額唔可以超過你入息的6成。當然你可以搵你男朋友同你聯名，咁就會將你哋兩日入息加麻，咁通常都唔會過6成的。所以以我個人經驗，你首期度，起碼有樓價既一成，你先好去買樓，而且買樓前，你哋份工一定要起碼做多過一年以上，咁批核尾嗰2成按揭既機會都大d。
唔好唔開心啦，凡劓總有出路，慢慢來，儲到錢就可以有自己既樓的。希望幫到你啦。
2009-07-15 11:04 pm
買樓好困身，一有事就大獲。要三十年無事係無可能，一年都會有幾次煩啦。
租屋有彎轉，可租平的，1個人好易租到好單位(似乎你要求)，不過最緊要地點安穩及業主好吾好。穩定左要同家人和好，花無百日紅。止終一家人，家人幫吾到你吾等於不愛你，你都廿幾要懂得怎樣解決問題，比人知你己成長會有好的回應。家人都會對你好d，朋友都會多d。
租屋有彎轉，可租平的，1個人好易租到好單位(似乎你要求)，不過最緊要地點安穩及業主好吾好。穩定左要同家人和好，花無百日紅。止終一家人，家人幫吾到你吾等於不愛你，你都廿幾要懂得怎樣解決問題，比人知你己成長會有好的回應。家人都會對你好d，朋友都會多d。
2009-07-15 10:54 pm
以閣下性格生活方式.....租樓比較
2009-07-15 10:52 pm
買樓咁好其實做人都係為左開開心心去做人, 每日都在一個唔開心既地方, 雖然係閉上眼就訓, 唔會有太多時間, 但係個心係唔開心係唔舒服, 咁做人又點會開心呢...... ok
收錄日期: 2021-04-20 00:35:50
原文連結 [永久失效]:
https://hk.answers.yahoo.com/question/index?qid=20090715000051KK00996