jupas 次序問題

首先, 樹仁無加入JUPAS, 所以JUPAS裡面無得揀樹仁. 如果想報讀樹仁, 就要於指定日期及時間到學校報名.
JUPAS改選主要分兩個時段--高考放榜前(第一階段)及後(第二階段). 無論邊個階段, 次序當然係好重要.
第一階段裡面, 有不少大學學系只會見將課程放在某個位置的申請者. 例如: 理大設計會要求學生在整個申請過程中將課程放入band a才有面試機會, band b-e就無. 你放25個選擇時, 不但要考慮面試因素外, 亦要預算自己最好、一般及最差成績, 25個選擇裡面要多數放同你預算成績差唔多(或更好)及有興趣讀的學系, 以llower quatile做比較. 其他就放你意料之外成績相近的學系及水泡(例如: 高級文憑), 以免你實際成績起你預料之外時, 你高考放榜後想改課程次序都無得改. 會起高考放榜前面試(又合乎其他資格)的學系就放在band a至c, 其他點排都無乜所謂.
放榜後你就要面對現實, 有d課程雖然好想入, 但無可能入到就放起band d及e. 此外亦要回顧返過往面試表現, 睇埋過往收生數據, band a及b就根據你興趣及能力去填, 第一個填你最有興趣, 而你成績同lower quatile相近, 第二個放稍有把握入到, 第三個放較為穩陣入到, 即是成績與中位數相近或更好的課程.
補充:
各系面試比重不一, 多數學系會將面試分數定為入學分數一部分, 表現好會有bonus. 如果參加校長推薦, 表現好(不論面試及課外活動)會有有條件取錄. 有些學系會以面試淘汰學生, 例如: 理大設計及嶺大哲學, 表現唔好已經唔收, 成績好都無用.

2009-07-15 07:43:54 補充：
仲有, 第一階段選科一定要睇埋該學系入學要求. 唔符合要求就唔好揀.