我幫倉鼠洗白白 點洗都有D黃黃地點算?? 杰 請進

你既鼠品種應該係小銀弧A好多鼠鼠都會有肚黃既問題,多數係因為鼠鼠身體較貼地,而令尿尿整污糟引致,點沖都唔會變返全白
不過因為咁都幾多菌,加上而家天熱,較易有皮膚病,一定要多加留意,如果發現真係幾污糟既時候,可用布加十分少既微暖水幫鼠鼠抹下,又或用沖涼粉同鼠鼠沖涼,但沖涼只可以一星期一次,最多兩次

B.可以做以下既事去預防皮膚病:
1)沖涼
一星期同鼠鼠沖一次涼,太熱就一星期沖兩次,記得係要用沖涼粉,唔可以用水
2)勤清潔
多d打掃個籠同鼠鼠既用品,保持乾爽清潔,間中可以用動物專用既消毒劑同鼠鼠既用品消毒
3)食物控制
唔好亂俾野鼠鼠食,人既食物更加係唔適合鼠鼠,一般只係食混合糧及草已經ok,不過如果有病or懷孕,可能就要接受一d其他既食物,例如白麵包,奶粉沖既奶等,視情況而定
4)檢查鼠糧及乾草
鼠糧及乾草好易會有寄生體,所以俾鼠鼠食之前一定要檢查清楚,開左口一定要密封好,當然買既時候都檢查一次,食之前又再檢查係最好啦,我試過買一包返唻,買既時候有睇,點知一拆問,成包都有d野郁下郁下,但唔細心睇,係未必見到既
5)避免二手煙
如果鼠鼠食得二手煙多,係會較大機會生皮膚癌
6)避免亂倫or畸形
亂倫等問題都會令鼠鼠較易有皮膚病同皮膚既腫瘤.有d鼠鼠毛色特別,其實已經可能係畸形而毛色特別,揀既時候都要留意一下.
7)有病常消毒
如果發現鼠鼠有咩病係多細菌,特別係肚瀉,血尿等排泄物異常,就要多d用動物專用既消毒劑同鼠鼠既用品消毒多d,嚴重既2,3日要消毒,唔係太嚴重就可以耐少少.呢d排泄物既細菌,好易令鼠鼠既皮膚受到真菌既感染

C.但都唔好忽略肚黃都有機會係因為有肚瀉既問題
分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到

肚瀉要留意既事可參考:
http://hk.knowledge.yahoo.com/question?qid=7009042401465