安裝DVD機之紅綠藍線搭法?

1.紅綠藍線是視頻用的,俗稱色差,只會顯畫面,要另外接音頻線先有聲音.
2.接駁方法好簡單,由DVD機的紅綠藍接去電視機的紅綠藍便可,電視機有兩組代表佢可以接兩部機(即係你可以另外接多部有色差輸出的機).只要是但接其中一組就得,觀賞時切換電視的video台就可以.色差只負責畫面部份,想用電視機出聲就要接埋紅白線.
3.如果電視機有足夠色差輸入,咁DVD機直接駁電視比較好,唔駛經擴音機,但有啲擴音機有增線功能,如果你的DVD機冇呢個功能你又想用擴音機幫手,咁色差就要先駁擴音機,然後再駁去電視機,會需要多一組線.
要聽5.1聲道唔可以就咁接紅白線,要接光纖或者同軸先得.又或者用六條線既模擬方式連接(不過通常擴音機冇解碼先會咁接).

另外有部份DVD機,擴音機同埋電視有HDMI端子(一個扁梯形),係全數碼傳送而且一條線已經包晒聲音同畫面,如果有的話接這個比用色差好.接駁方法係DVD機用一條HDMI線去擴音機,擴音機用另外一條HDMI線去電視就得.