✔ 最佳答案
老友, 當你問"供夠3年就真係拎得返個本嫁?", 咁就証明你唔知自己買左咩, 重有連基金投資係咩都唔知;
基金投資係投資者將金錢付與專業基金經理打理，以求在金融世界獲取回報。情況同你剪頭髮一樣，你可以自己剪 (自己買賣股票,債券等等), 又可以上髮型屋(基金公司)付費與髮型師打理(買基金)，藉此獲得個新髮型 (回報)。自已剪可能剪了獨一無二的型髮(超好回報)，也可能剪了個畸形頭(輸死)，但髮型屋點都剪到一個正常樣(跟大市表現相差不多)。
而且自已做投資買賣，最多買港股美股；但基金公司可涉足印度，俄羅斯等等。等於自己買餸，最多去樓下街市，最多煮中國菜, 但出街吃，就可以去第二區, 吃法國菜。
基金其實係資產管理公司的產品, 你可以直接同佢買, 但有d公司唔鐘意應酬散客, 所以就有所謂中介人既出現, 即係銀行, IFA個D啦; 會收你一次性既認購佣金,
保險公司主力係賣保險, 佢地用人壽保險美其名叫基金投資計劃, 勉強都算中介人, 不過佢收多好多, 唔會收一次性既認購佣金, 反而年年要付按資產總值計的計劃費。因為係人壽, 一定有年期限制, 咁就保證保險公司有幾年收入, 好和味, 所以俾如不能供至期滿, 也要付全數計劃費, 隨時有錢入, 無錢出。
保險公司的基金投資計劃是投資相連保單, 為保障計劃的佣金, 所以一定要有年期限制, 咁先保證保險公司有幾年收入。點解要供夠3年後, 因為個計劃必供期係3年, 即係個3年既錢夠哂俾佣個經記, 唔係為左令你供夠3年就番本; 理財顧問是收佣為生, 有時間找新客是不是較照顧一個已經買了被年期綁住的投資計劃的舊客好?
但你而家CUT, 一定一毫子都攞唔番, 人地保險公司有精算, 計過度過先定個必供期出來, 邊有人走得到? 所以我成日話, 買保險前, 你係保險公司既客人; 買保險後, 你就轉為保險公司既債仔。
3年後收番本? 一定得既, 就無雷曼苦主啦; 投資無實贏, 要贏多過銀行定期既息就要冒輸哂既風險。
經保險公司買基金, 一定輸多贏少, 番本都偷笑, 我有個朋友十年前買左, 到期後結論係衰過銀行零存整付, 我自己因為03年傻傻地中招, 個經記賣完鬆人, 我要自學投資, 自己打理, 辛苦到死, 都只能僅僅惟持本金, 望下唔經保險公司買既基金既回報好咁多, 激到死又唔抵得一次過俾AIA賺哂我D管理費, 而家係死都唔再供咋。
而家點算好? 錢少又蝕得起既就CUT, 當買過教訓; 唔捨得, 就過左必供期就馬上申請保費假期, 死都唔再俾錢佢囉。
2009-07-14 21:31:44 補充：
理論上, D錢放得耐會大機會D番本, 不過留意, 幾年後既150根本唔等於而家既150, 你都係要蝕. 所以有錢都唔好放保險公司當投資
2009-07-18 18:25:47 補充：
你供夠3年至cut, 都唔代表有錢可以攞走, 正常都係拎唔返個本; 咁3年後就供咗$42,120, 要攞返$35,000 - 40,000走呀, 唔係無可能, 大牛市時走就得; 撞著金融海嘯, 或者個市一直都冇大既變化, 就一定唔得。不過就算大牛市, 都只可以攞返本咋, 唔好以為有賺呀。
所以上策都係早cut早著, 不過你要捨得個損失。
