法律:樓上裝修,樓下有苦誰知

今個月頭樓上一層開始大裝修,

要裝修成幾個套房,所以用電鑽要開好多個洞,

老婆仔女難得暑假原本可以訓一教,

現在每日朝早就被佢嘈醒,嘈音真係令人瘋狂咁嚴重,

好似個頭被人鑽緊咁,因為就係上一層,

所以連個震動都感受強烈!

雖然唔係每一刻係度鑽緊,

但係我地家人已經有d精神問題,

每一次未鑽o既時候,我地都好驚,因為唔知幾時會突然再鑽,

好似睇鬼片你地陣個唔知幾時會突然有強烈o既音效咁果種驚。

而且我地成家人因為訓得唔好,

所以大家心情都唔好,呢排少少事就嘈交,

比起平時大家和平相處,我地生活大受影響

每日下午5點鐘左右,d裝修就停

裝修工人可以有錢搵,屋主套房可以有錢搵,

無奈我地一夏暑就係電鑽下渡過

如果我地想追究我地o既生活同精神捐失,

可以嗎,如果可以應該從咩路徑搵協助