請指教逃避貴利追數的方法

欠十五萬貴利, 就算一個月兩個釘, 都成三萬蚊利息一個月. 點供!? 想唔還錢? 貴利佬唔需講法律, 亦唔使理追數手法合唔合法. 淋紅油, 塞匙窿, 暴力打鑊甘樣樣齊. 你想唔還錢, 唯有:
1. 潛水玩失踪 - 辭工搬屋轉電話斷六親, 重要唔好去 d 平時去慣嘅地方. 日日求神拜佛唔好喺街俾佢哋撞到... 三五七年後可能無事. 但大拿拿十五萬, 唔係千五蚊, 你估佢會唔會放過你?
2. 報警 - 話佢放貴利, 攞埋 d 入數紙做証據. 但做得呢行, 預咗你報警, 用哂太空電話 / 戶口, 邊有咁易拉到人吖...
3. 揾人出頭 - 佢真金白銀借俾你, 借果時講明息口, 你係同意嘅. 而家你唔還錢, 理虧在你. 揾乜江湖猛人出頭都無用. 只有試吓死狗, 真係無錢供, 屋企人唔幫, 睇吓佢肯唔肯截咗條數, 俾你分期. 但江湖規矩係截數要加大一倍半, 即係共欠佢三十七萬幾, 分期還都死, 但起碼有望見到家鄉還得完, 而且唔使俾人追殺. 但你話唔想還, 呢項唔啱你.

欠貴利, 死路一條. 祝你好運!

　最佳逃避方法就是不再向這些人借錢，因為一定自掘墳墓。
　正所謂殺人填命，欠債還錢；還得幾多得幾多，因為貴利集團最怕被人拋，你肯還少少好過一個仙都無得還，倘若你聲大夾惡的話，一定會被人打都似。
　唯一方法就是報警，但只限在被恫嚇的情況下做；若果貿然報警，對方亦未必受理，因為無證據證明你受他們滋擾。

2009-07-16 17:52:47 補充：
同意peterchan7708 ( 知識長 )的講法，大拿拿十五萬，即使我是債主都不會善罷甘休。你若是有拖無欠，他們也不會難為你；但若你一塊錢也不還，避得一時不避得一世，難道你把債主幹掉博坐監？