乙型肝炎DNA定量檢測及治療方法

接觸乙肝病毒唔一定會變慢性肝炎或成為帶菌者, 大部份人自身會產生抗體同好番, 但有部份人接觸virus後產生唔到抗體而變成慢性肝炎或成為帶菌者, 呢個情况黄種人比較多, 根據資料顯示每10個中國人就有一個帶乙肝病毒, 原因仍不明, 估計或許同遺傳基因有關. 對於你擔心嘅問題, 希望我個人經驗可以幫到你:
1. 病毒DNA測試 - 喺加拿大嘅test report係寫每毫升內有幾多病毒(copies/ml), 所以唔太清楚你上述數據點解. 病毒數目最好梗係零, 如果數目唔高即係唔活躍, 數目越高病毒便越活躍. 概然係驗得血即係一定由醫生寫紙去驗(一般驗身唔會驗乙肝病毒DNA), 你應該請醫生詳細解釋你聽.
2. 我估你係屬於經由母體傳染, 係carrier都唔一定會得肝癌, 只不過如果肝炎病毒活躍即係肝臟處於發炎狀態, 肝臟長期發炎會令肝臟硬化, 有部份病人會發展成cancer, 數據上有家族病史病人發展成腫瘤嘅機會冇錯係比一般人高, 但都唔使太擔心, 只要及早發現同定期睇醫生monitor住, 聽醫生指示同注意保養自己身體就ok.
3. 一般都係食藥, 目前治療乙肝較新嘅口服藥物有"拉米夫啶"(Lamivudine, 好似出咗10年左右), 阿德福韋酯(Adefovir, 好似出咗五六年, 總之新過Lamivudine幾年), 重有Entecavir(更新, 好似在05年4月至喺美國launched), 你應該請教醫生瞭解吓自己嘅情况有冇需要食藥. 食藥係要一直到驗到陰性後(好似起碼一年)至可停藥.
4. 而家醫學先進好多喇, 有一種針藥比乙肝媽媽嘅BB接種, 接種咗之後BB應該就唔會有問題. 早前嘅乙肝媽媽生完BB之後出現急性肝衰遏唔係常見病例, 新聞所講她的病况也未必是全部, 唔使自己嚇自己, 詳情應請教醫生.
5. 因為乙肝屬於要"長期抗爭"(數月驗一次血睇一次醫生, 最少每年一次照超聲波等等), 所以除非經濟充裕, 或者有買保險又可以claim得哂全額嘅, 否則都係睇政府專科好D. 你可請你平時睇開的家庭醫生寫紙refer你去政府醫院睇專科. 登記排期時除醫生轉介信外, 最好將所有test report影印一份一齊交, 因為會有醫生scan過, 如果係病毒唔活躍酵素又正常的, 病人可能要排好耐至有得睇, 但如果佢地認為有需要, 就會有姑娘打比你安排一個快D嘅期睇醫生.
6. 香港嘅公共醫療其實做得唔錯, 雖然國內某些醫院有着中西結合治療的優勢, 個人真係唔建議番大陸睇, 因為好難單從internet查到嘅資料就確知間醫院可唔可靠, 况且你唔係國內人收費會貴好多.
7. 香港睇政府專科新症好似係100蚊, 以後每次60蚊, 以上所講嘅藥都幾貴, 大部份病人都要自費買, 28粒庒Lamivudine喺外面藥房買大約要900至1,000蚊, 30粒一樽Adefovir大約二千幾三千蚊, Entecavir就唔情楚幾錢.
8. 乙肝患者要注意日常生活同飲食習慣以配合治療, 無論肝酵素高定正常, 最好都唔好飲酒, 唔好自己亂食成藥(包括所謂健康食品同營養補充劑), 一定要先請教醫生, 因為酒同藥都必由肝臟代謝, 亂咁嚟會加重肝嘅負擔. 平時最好十一點前瞓覺, 因為中醫認為十一點至三點係行肝胆經, 早睡對養肝有好大益處, 反之就對肝唔好, 因一點至三點行"肝經", 所以做唔到十一點前瞓着都應盡量早.
只要以積極態度配合醫生治療同指示, 好好愛護自己身體, 乙肝無咩大不了, 加油!

乙型肝炎DNA定量檢測及治療方法

回答 (2)