✔ 最佳答案
A.絕對唔建議一籠兩鼠或多鼠,無論係兩隻女,兩隻男,一男一女,同一胎同or唔同性別,都一樣會有問題,都易會打交or因壓力而易生病倉鼠打交並唔係因為唔馴既鼠放埋一齊先打,而係因為倉鼠係獨居動物,唔習慣同第隻鼠一齊生活,打交只係天性既驅使而做出唻,野生既鼠都係一隻自己住,絕對唔會覺得悶,一般人話養一隻會悶,多數都係主人睇住一隻鼠覺得一隻好似冇咩好做咁會悶,自己睇又睇到悶,要了解及愛錫鼠鼠感受,一定要從鼠鼠角度去睇,千萬唔好將鼠當人咁諗,鼠同人係唔同既
就算兩隻同一胎既鼠b,都唔係可以一齊住,野生既鼠到戒奶後就會各散東西,完全冇家庭觀念,就算同一胎都一樣會打生打死or易因強行改變鼠鼠天性而生病
我細個一直都係一籠兩鼠,唔同既組合都試過唔少既次數,都有繁殖鼠鼠好多好多次,兄弟or姊妹相殘係好常見既事,印象最深刻既係,試過一籠放兩兄弟,個籠好大,有2間屋仔,2個瞭望台,好多野都有兩樣,平日佢地會一齊訓,會互舔身體,唔會咬人,照睇應該算係好馴好乖,點知有一日我外出一陣,返到睇到打到一隻腸出左唻,另一隻頭都甩埋,可見就算係再大既籠,同性唔同性,係咪同一胎,其實都會打既
兩隻女鼠唻講,曾經試過一胎四隻女b,其中兩隻未戒奶就打生打死,無奈又唔分得籠,最後捱到分籠,一隻b耳仔冇左一部份,一隻就癲左咁成日大叫,又亂撞,唔食野
其實鼠鼠最好分籠,希望你可以考慮 一籠一鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險
4)就算唔打傷打死,都會感到壓力,壓力會誘發甩毛肚瀉等疾病
5)一籠唔止一鼠,仲會較惡,特別易咬人同比較難同主人熟
6)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
B.鼠店既鼠一般都係剛戒奶(21日大左右),甚至有D衰既會放D未戒奶出唻賣,鼠鼠既生殖器都未發育晒(完全成熟期係60日),所以其實係好易分錯男女,而且如你所講,鼠店講既野實在有時唔多可靠,所以鼠店講既野一定要自行分析先好信
倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔.
而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女
而大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
C.好抱歉知道你之前既鼠幾個月就離開左,唔知當時鼠鼠有冇D咩特別同平日唔同既情況呢?我覺得盡力搵返死因係好重要既事,有D野日後可能可以避免既
如果冇咩特徵咁突然死亡,可參考以下我回答既知識,睇下會唔會係呢D原因;
http://hk.knowledge.yahoo.com/question?qid=7008111800320
如果死鼠時係熱天,都要留意會唔會係中暑,中暑係可以即日死亡既,熱天要留意既事可參考:
http://hk.knowledge.yahoo.com/question?qid=7009061900335
都可以睇下養鼠要留意既事,睇下會唔會有D野係平日處理有問題,詳細可參考:
http://hk.knowledge.yahoo.com/question?qid=7009032700803
如果再養鼠係用返死左既鼠個籠,就要留意以下既事:
1)澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理
2)留意會唔會係個籠有問題而令鼠鼠死亡,例如鼠鼠行既地同轉輪會唔會係通風一間間,而唔係密封既呢?呢類一間間既設計,好易令鼠鼠整親,都要留意會唔會唔係用木糠做墊材?如果用貓砂之類粒狀墊材,比較易令鼠鼠扭親
2009-07-14 23:47:16 補充：
唔係大倉鼠你既意思係指唔係熊仔鼠?(我頭像既相片)熊仔鼠小灰霸及其他香港常見既寵物倉鼠一般都係一樣既
而小灰霸係比較惡既品種,因而被叫做小灰"霸",兩隻一齊既話,打交比較易打得激烈
鼠鼠身體細小,冇咩脂肪去消耗,有研究指出鼠鼠只要一日冇食野,己經有機會血糖過低,咁既話就一定要盡快睇醫生處理,唔係既話就好易會死
所以最好每天都抽d時間去睇下鼠鼠,檢查鼠鼠身體及食同水有冇問題;如鼠鼠冇咩偏食既話,可以放較大量唔易變質既食物俾鼠鼠,鼠鼠係知飽,加上有儲糧既習慣,有多d食物俾鼠鼠收埋會令鼠鼠更有安全感
2009-07-14 23:47:20 補充：
怕d食物周圍飛,可以買個較大既食物盆,可以固定在籠既,,冇咁易周圍都係,而且可以俾鼠鼠成隻咁坐晒入去食野,鼠鼠係好喜歡咁既
2009-07-14 23:48:04 補充：
補充唔到用呢度補充一下:
唔係大倉鼠你既意思係指唔係熊仔鼠?(我頭像既相片)熊仔鼠小灰霸及其他香港常見既寵物倉鼠一般都係一樣既
而小灰霸係比較惡既品種,因而被叫做小灰"霸",兩隻一齊既話,打交比較易打得激烈
鼠鼠身體細小,冇咩脂肪去消耗,有研究指出鼠鼠只要一日冇食野,己經有機會血糖過低,咁既話就一定要盡快睇醫生處理,唔係既話就好易會死
所以最好每天都抽d時間去睇下鼠鼠,檢查鼠鼠身體及食同水有冇問題;如鼠鼠冇咩偏食既話,可以放較大量唔易變質既食物俾鼠鼠,鼠鼠係知飽,加上有儲糧既習慣,有多d食物俾鼠鼠收埋會令鼠鼠更有安全感
2009-07-14 23:48:09 補充：
怕d食物周圍飛,可以買個較大既食物盆,可以固定在籠既,,冇咁易周圍都係,而且可以俾鼠鼠成隻咁坐晒入去食野,鼠鼠係好喜歡咁既
2009-07-16 03:30:45 補充：
一開始既時候,鼠鼠多數都唔會理你,好似你講既咁,佢走都走唔切,鼠鼠係好細膽,所以要慢慢唻唔好急,愈心急,鼠鼠愈怕你
最初需要俾鼠鼠靜兩日去習慣新既環境,等鼠鼠定d,再隔住個籠去同鼠鼠建立關係,唔好咁快就伸手入去,咁鼠鼠會以為你入侵佢地盆or攻擊佢,鼠鼠就會怕左你
開頭鼠鼠未必會肯要你俾既野食,但慢慢鼠鼠會知道你冇惡意,正常唻講就算有十分大量既食物,你再俾野食佢,佢都唔會抗拒,當然唔係俾d平日佢都唔鍾意食既野佢啦,俾糧入面既瓜子就隱陣d
2009-07-16 03:30:56 補充：
之前網址中既方法係平日同鼠鼠培養感情,當中講既食物只係額外俾佢既,同籠入面放幾多既食物係冇關係,籠內都一樣要放野食,鼠鼠好多時都會食下玩下訓下,訓醒又食下咁,唔會固定一日食幾多次野,冇野食就易令鼠鼠餓親or好冇安全感,加上有機會唔記得放食物就仲危險
2009-07-16 03:31:16 補充：
一開始既時候,鼠鼠多數都唔會理你,好似你講既咁,佢走都走唔切,鼠鼠係好細膽,所以要慢慢唻唔好急,愈心急,鼠鼠愈怕你
最初需要俾鼠鼠靜兩日去習慣新既環境,等鼠鼠定d,再隔住個籠去同鼠鼠建立關係,唔好咁快就伸手入去,咁鼠鼠會以為你入侵佢地盆or攻擊佢,鼠鼠就會怕左你
開頭鼠鼠未必會肯要你俾既野食,但慢慢鼠鼠會知道你冇惡意,正常唻講就算有十分大量既食物,你再俾野食佢,佢都唔會抗拒,當然唔係俾d平日佢都唔鍾意食既野佢啦,俾糧入面既瓜子就隱陣d
2009-07-16 03:31:21 補充：
之前網址中既方法係平日同鼠鼠培養感情,當中講既食物只係額外俾佢既,同籠入面放幾多既食物係冇關係,籠內都一樣要放野食,鼠鼠好多時都會食下玩下訓下,訓醒又食下咁,唔會固定一日食幾多次野,冇野食就易令鼠鼠餓親or好冇安全感,加上有機會唔記得放食物就仲危險
2009-07-20 14:59:01 補充：
感謝發問者特地通知我有'意見',因為之前有太多既垃圾郵件通過知識＋send俾我,所以關閉左信箱
回應網友liucheuklam25,
唔係話100%會打交,但一籠唔止一鼠既話,強行改變鼠鼠天性,係好易會打交or因壓力而生病,特別係壓力既問題,係好多人都會忽略,鼠鼠心跳快,一分鐘400-450下,感到壓力就易會唔舒服,甚至休克及死亡,但好多人就未必會留意到鼠鼠既壓力來源
加上如果鼠鼠仲係年幼,地盆心態未係好重時,一籠多鼠可能都仲冇咩問題,正如之前講既咁,鼠店既鼠都係好多隻一齊都好似冇咩問題(當然鼠店都一定會有打死鼠),但鼠鼠慢慢長大,問題就會愈唻愈嚴重
2009-07-20 14:59:28 補充：
睇返知識＋好多既鼠問題,一定會見到十分多鼠係會打交,同時都有好多人會話佢既鼠一齊住冇事,好可惜當中有好多最後都真係有問題,特別令我感到難過既係有位發問者既鼠繁殖左好幾隻鼠b,佢話一家人冇問題,父母仲會照顧子女,連續幾個發問都一樣佢覺得冇問題,有問題既地方都唔關一籠多鼠既事;隔左一段時間之後,佢再次發問,得知佢有日訓醒個籠屍橫遍野,我亦好內疚當初勸佢唔到,自此就花更多既時間去回答呢類既問題
當你真係覺得一籠多鼠係完全冇問題,但事實都真係好多人既鼠有打交,假設一籠兩鼠係50%會打,咁又係咪真係值得用鼠鼠既生命去博佢地唔打?萬一不幸打死打傷,咁又點處理?又會有咩感覺?
2009-07-20 15:00:00 補充：
睇返發問者係佢既仔養鼠,小朋友養寵物,我覺得更要留意唔可以為左自己想既事而用小生命去博,加上如果真係買左兩隻鼠之後打生打死,對小朋友既心理亦可能做成影響,我細個冇咩鼠知識,害死過好多隻鼠,至今仍然經常因此發惡夢,實在並唔好過
希望你既朋友亦可考慮一籠一鼠,尊重返鼠鼠既天性
2009-07-20 15:20:16 補充：
Will,
唔好客氣,好樂意去分享鼠知識,能改變你養兩隻鼠既打算,實在非常開心!
