✔ 最佳答案
1. 佢地話你破左都要供, 係呃你, 想你還錢. 你一破產, 你嘅財產决定權就不再屬你, 你想供都唔得. 佢亦唔可以追你數. 你肯供佢都唔收得, 否則犯法. 佢只可以去破產管理處排隊分餅仔.
2. 但在你頒令破產前, 佢哋有權追你數. 所以佢地會在你被頒令破產前瘋狂追數, 務求在你破產前收得幾多得幾多. 你無權阻止, 亦無嘢可做. 只有啞忍. 上門嘈嘈哄就一定啦. 太過份就報警囉.
____________________
提提你:
如果你在申請破產前一兩個月先借呢條數, 咁佢有可能話你訛騙而報警. 大部份債仔填 form 時, 在 "其他借貸" 一項都唔會填足, 驚財務見佢咁多數喺身唔肯批. 咁到佢唔還錢時, 財務公司會話你唔還錢, 我會報警, 因為你虛報 / 漏報資料, 即係行使假文件.
摘自蘋果日報:
一名二十三歲男子二○○二年十月三日（星期四） 在東區裁判法院因破產欺騙案被判入獄三個月。
該名男子分別於二○○○年九月及二○○一年六月，在沒有完整地透露其財務情況下，向兩間財務機構共借貸七萬五千港元。 兩間財務機構隨後得知該名男子向他們借貸的時候，尚有其他債務，並隱瞞其部分負債情況。 兩間財務機構於是向警方報案。他們明確表示，假如他們事先得知該名男子的真實財務情況，其借貸申請應該不會獲得批准。
該名男子於二○○一年八月申請破產，並於二○○一年十二月被宣告破產。 商業罪案調查科人員經深入調查後，落案控告該名男子以一項欺騙罪名及一項以欺騙手段取得金錢利益。 男子承認有關控罪，被判入獄三個月。
