✔ 最佳答案
買槍當然要去旺角廣華街啦
就係廣華醫院旁,姐係食臭豆腐條街直入,旺角街市果頭
果渡係買電槍(用電力推動發射BB彈)
雖然亦有氣槍,但唔係連射
最平係「國九」(牌子名)既太約$500左右
不過,你去大多數模型,文具鋪都有,
連射既都有,但起碼有三位數
但C兄若係屋企玩,我諗電槍對你黎講太大火力
而且係無合適既保護之下
會好易受傷,特別是眼部
所以我地打WAR GAME都必須戴眼鏡,眼罩先可以落場
而且係HK用玩具槍打傷人係犯法
所以C兄千祈唔好拎人做「把」
如果想打人就去打WAR GAME啦~
比你真實體驗何謂戰爭及持槍既正確手法
另外若果拎住支槍周街走都係會比差人拉
仲會收左你支槍去驗有冇超過合法火力(2.0J及以上)
最後,無論幾歲都入得槍鋪既…
小至6歲大致70歲都見過
但最起碼未成年要有家長同意最好先買啦
因為話晒係合法火力都有殺傷力既武器
有咩問題可再聯絡我…歡迎各位C兄交流交流