350D相機..

其實好多人買單鏡機就係喜歡佢景深淺,即係個人清,個景矇,認為咁先有味道.
不過其實唔想咁都有辦法的,單鏡機好處係可以有較大幅度的景深控制.
要淺景深就要大光圈,長焦距,近對焦距離及背景夠遠.想深景深即係前後都清只要反其道而行就得喇.即係用細光圈(光圈值大,f8係比f3.5光圈細的),不過光線唔夠光圈太細快門會變慢,就會受手震影響,或者要用腳架,快門慢亦不能涷結動作,記得要被攝對像唔好郁,光圈太細亦會引起繞射令銳利度下降,建議最盡用到f16,
跟住係短焦距,即係唔好zoom咁遠,不過小心太廣角會有桶狀變形或者前大後細問題,建議影人的話頂盡用30mm左右.(影特別效果除外).
遠對焦距離,這是最有效的,影大頭的話好難前後都清,影全身就會易好多,唔得時甚至再影細小小.
背景當然越近越好,貼實牆的話幅牆都好難話唔清,不過好多時背景距離唔係咁易控制.
總結來講你可以用光圈先決,即係Av mode,選一個較細的光圈例如F11,焦距30mm,影全身,背景盡量遠啲就應該有唔錯效果.唔得先再用較極端設定.