我想問500D加sigma18－200可否用增距鏡

原廠Canon或者Sigma都應該唔得,我見過佢地既增距鏡中間係凸出的,會頂住入唔到,只可以配特定鏡頭.Canon同Sigma網頁都有講邊幾支鏡可以用到.
Tamron或者Kenko既增距鏡中間係凹入設計,應該可以裝得入,但要留意咁係夾硬裝.因為加增距鏡會令最大可用光圈變細,加1.4倍會細一級,加2倍會細兩級,而光圈細係會影響自動對焦的.500D的話,細過f8會直情冇咗自動對焦.所以無論加1.4倍或者2倍,長焦距一段都會冇咗自動對焦,就算其他焦距都會變得好慢同成日迷焦.但係加增距就係為咗要影遠嘢,所以你一定係用最長嗰段,所以預咗要手動對焦.
另外加增距鏡會令畫質有明顯不降,通常都係大光圈定焦,超sharp既鏡頭先頂得順,Sigma 18-200本身唔係好sharp,再加增距你預咗畫質會好差.
又要手動對焦,畫質又差,貪得意玩下可以,實用性其實好低下.否則個個都買增距鏡,冇人買長焦距鏡頭.