唉,,化妝問題,,/~\

1. 岩岩開始化妝要買D咩用品?
ans: 1) 隔離霜 (makeup base) 和/或 粉餅/粉底液 (睇返你個人膚質同需要，如你本身的膚質好好，可以只買隔離霜，而粉餅同粉底液可以暫時忽略 (其實我唔知你幾歲，不過覺得你係好年輕的，要趁年輕好好保護皮膚，所以我話"暫時"，等你大個d或者化妝技巧熟d先買都未為過)
2) 遮瑕膏
3) 胭脂
4) 睫毛夾 (要睇你本身睫毛的捲翹度，如果較翹的話，可以不用買，因為現在好多牌子的睫毛液都具有增強翹度的功能，不過本人建議買以備不時之需)
5) 睫毛液 (根據個人需求，可選擇增長、濃密、捲翹或all in one，得閒多d去sasa、waston's、萬寧或者雜誌睇下有咩產品)
6) 唇彩 (又係根據個人需求去購買，如果你如我所估的係年輕女孩，我建議買唇彩，唔好買唇膏，另外搽之前記得要用乾性的潤唇膏打咗底先，起到保護雙唇的作用。)
7) 化妝點可以無卸妝產品架﹗做好清楚卸妝的功夫比學懂化妝還重要。切記﹗唔想出痘痘一定要﹗

以上係for 初學者的必備產品，其他如眼影、眼線筆/液/膏、眉筆、唇筆等可以等你化妝技巧純熟d先買都未遲。

2.MAKE UP BASE=B.B CREAM?
ans: 當然唔同﹗隔離霜 (makeup base)或稱妝前打底霜 (日本稱"化妝下地")，故名思義係用黎作妝前保濕之用，等你上妝易推d，同埋無咁易溶妝。(保濕好重要，個底妝成敗除咗睇你技巧，最重要係上妝前皮膚保持在最佳狀態)。
而b.b cream 則不同於base，佢係近年由韓國引入的一股熱潮，聲稱可以集護膚、遮瑕、防晒同保濕於一身的最新科技，單係遮瑕的功能已經係base的不知幾倍了。所以，bb cream反而可以說是粉底的一種，不過又稍遜粉底，始終遮瑕的功能比不上粉底液。但是，聽聞台灣相關部門已提出質疑bb cream是否真係可以護膚？據知bb cream其實本身的研發係替做了皮膚整容手術的患者塗抹以加速傷口癒合，但後來卻被人開發變成化妝品，如果用得多反而對皮膚不好，不過呢方面我本身並不清楚，我再查下資料再補充。總結，bb cream確實係唔錯的化妝品，不過就我本身而言，我覺得始終對皮膚造成負擔，不可以常搽。(可能我皮膚唔好，受唔到掛﹗當係比你參考下)

3.BB CREAM系咪分幾隻色系FOR吾同性質既皮膚?
可以詳細D講MA?
ans: 睇黎你對bb cream 有好大的興趣同期望，其實我最初都係咁，本身易出痘痘，幾乎每天上學都會搽，維持一年左右，現在我的皮膚比未用之前仲差，令我好傷心呀~不過這些都視乎個人膚質同有無做好清潔功夫ge (上面講過，佢係粉底的一種，所以一定要做好卸妝的工作)
正如粉底咁，有些bb cream會分油性至中性，乾性至中性皮膚，唔同品牌有唔同的分類，好似missha 有分保濕、美白等不同功能的bb cream。要睇返你喜愛的品牌同需求。

2009-07-12 22:01:04 補充：
4.可以詳列整個化妝STEP比我MA= =?
ans: 當然可以啦﹗以下個step係我早前整理並回答過某位網友的step，當中有作修改，因為人大咗，化妝技術好咗，又識多咗﹗希望幫到你﹗(如見到差不多答案的，那個人是我，雖然我改過名，我唔係copy人地ga~係自己整理完後一字一句打出黎 ^^)

pre-step:

先做好妝前清潔，化妝之前你要先洗乾淨塊面同埋搽爽膚水同保濕ge lotion，咁樣做係為令你皮膚易上妝d 同埋令個妝容keep 得耐d...

2009-07-12 22:01:50 補充：
開始化妝啦﹗

step1：你要先上咗隔離霜(make-up base)，最好選用保濕度高同埋有防曬指數ge (for 平時外出逛街 15~20度就ok)..

因為隔離霜有調節皮膚顏色ge作用，會令膚色變得均勻d...通常，隔離霜分為紫、白、綠、粉紅色...紫色適合皮膚偏黃ge人士使用，大多數亞洲人都適用...綠色適合有暗瘡ge人使用；而白色同粉紅色就適合皮膚偏黑ge人使用，上咗之後會變得更有光澤....

2009-07-12 22:02:12 補充：
step2：上粉底 (如果你技術唔好，驚底妝會太厚，可以選擇唔用都無問題﹗因為你仲細 (估計)，唔好咁快傷害皮膚住。

(注意：你可以唔上粉底 (不論係乾粉、定係濕粉)，但係就一定要搽隔離霜或者有潤色作用的防晒液，特別要選擇有一定防晒度數的，太陽紫外線會令皮膚易衰老，要從小就做好防晒工作﹗不過而家市面上都出現咗2 in 1的防晒，即集合潤色、防晒同少少遮瑕的防晒液

step3：搽遮瑕膏遮返暗瘡印同埋黑眼圈。要注意搽ge技巧，首先先唧喺手指上，大約一粒米咁上下，再用另一隻手去"點"喺你想遮ge地方，跟住就沿住你哥個點不停咁印開，印到均勻為止，如果唔夠，可以再點再印。秘訣係"少量多次"咁就可以防止厚粉

2009-07-12 22:02:34 補充：
step4：搽胭脂。大致上分為粉紅色同橘色胭脂，皮膚白可以搽粉紅色，黝黑的皮膚適合橘色。

step5：夾眼睫毛 (你可以依照個人喜好選擇搽唔搽睫毛液，但係就記得要夾翹d 眼睫毛，令你雙眼有神d。

step6：上碎粉或乾粉。 (如果唔上都ok ge，因為會自然d，塊面會無咁粉，但係碎粉可以令你個妝維持得耐d，所以都係上少少啦~~) 乾粉遮瑕度比較碎粉高，但比碎粉更會加重皮膚的負擔。

step7：搽lip gloss

2009-07-12 22:02:41 補充：
行完街，回家後記得要卸妝﹗市面上有卸妝膏同油之分，油就比較清潔度高。

係人都知道化妝對皮膚會造成一定的破壞，但係化妝又可以蓋掉一個人的缺點，不過其實唔好諗化妝品諗得咁恐怖，其實只要做好清潔功夫，不論外在，連體內都要呀，要注意早起早睡，飲多d水同食多d菜，對皮膚都會好d，痘痘同粉刺自然少d 啦﹗

2009-07-12 22:04:26 補充：
無意思﹗因為太多，字數有限，要分好幾次補充內容﹗以上全部係我個人同參考人地的化妝心得﹗打咗成個鐘架﹗真係好希望可以幫到你﹗
如果仲有唔明，可以補充問題再問我﹗thank you ^^

1.岩岩開始化妝要買D咩用品?
　基本有以下用品要準備：
　～打底液～粉底～眉粉/眉筆～睫毛液～眼線筆
　～眼影(可用或不用)～唇膏/唇彩～胭脂

2.MAKE UP BASE=B.B CREAM?
　當然唔等於啦！
　BASE＝打底液：化妝前用，打係用作打底以防化妝品嘅化學物質直接傷害皮膚
　BB CREAM＝粉底：其中一種粉底，有遮瑕、防曬等等功能，但用之前都係要搽BASE

另外2條問題我會再補充俾你

我吳係太識. 不過盡量答你啦;]
1. 我真係吳知-,- 你可以去sasa,卓悅果d問下. if畫眼線的話最初用眼線筆會較好..
2. MAKE UP BASE 系查粉底之前用既叫{格離}霜.
3. 有d bb cream 糸分色.
4. 我吳列喇,不過你可以上youtube搜尋化妝. 有幾個都幾岩你睇;) 我尋日先睇完haha..