風力發電股

既然想一心一意買風力發電相關股，就應該去除一ｄ風力發電只佔一小部分業務的公司，1185就係呢一類。首先係業務唔集中，本身係做開通訊服務，係近呢一兩年先開始轉營做風力發電相關，包括發電，風機及葉片等等，但同時亦發展新材料（稀土電機）同汽車零部件。由於未有似樣業績睇，所以未能判斷轉營是否成功。
但1185由於本身唔係純電力股，而且公司現金流疲弱（投資開支不少），而睇番佢所持有的風電權益，唔少都只係入股形式，所佔比例亦低，只係間接持有風電資產。同時，有一部分廠房如內蒙古風機總裝廠根本未開始生產，係今年先開始，所以業績係未有的。
所以如果你要入股呢隻，就代表你投資埋佢另外兩樣同你目標不一的項目。
＿＿＿＿＿＿＿＿＿＿＿＿＿＿＿＿＿＿
182就係一間成功將公司變身為全風電業務的公司，管理層係呢方面的前瞻性值得稱讚。主要從事風力發電，睇番公司風電資產方面明顯係係上市公司為最佳，以總發電瓦數去計算亦顯示其產能優勢。最重要係公司本身已有成果可見，公司去年綜合收益較前年同期增長７５％，全部來自風電相關業務之貢獻。
睇埋最近一年，公司將積極發展更多風電場，同時積極以組織合營公司方式，擴張風電產能。由於風力發電已被列入國策，國家將投資數以千億於風電發展，於稅務方面又獲得減免，只要公司繼續呢個方向，繼續穩定擴張，就有好長遠投資價值。
最後分析埋公司財政狀況，亦屬穩健，負債低而有充足流動資金，現金流回復正數，亦屬理想。
＿＿＿＿＿＿＿＿＿＿＿＿＿＿＿＿＿＿＿
結論：182明顯較1185優勝，後者嚴格而言與風電沒有很強關係，亦未有成果可見，貿然投入資金風險不少。